Ці можа Масква замяніць Лукашэнку?
У атачэнні Лукашэнкі хапае фігур, якія б задаволілі Маскву.
Уладзімір Пуцін і Аляксандр Лукашэнка. Фота: Sputnik, Kremlin Pool via AP
Аналітык Аляксандр Фрыдман у новым выпуску ТОКу разважае, ці можа Масква ў нейкі момант вырашыць замяніць Лукашэнку:
«Я сабе ў такіх выпадках задаю пытанне: «А навошта?» Што Лукашэнка не зрабіў і не робіць з таго, чаго жадала Масква? Ён яе цалкам задавальняе.
(…) Па розных пытаннях ён, магчыма, не тое робіць, што хацела б Масква. Заўсёды адстойвае свае ўласныя інтарэсы. Не на ўсё адразу пагаджаецца. Але па прынцыповых пытаннях Расія ўсяго ад яго дамагаецца. І ён надзейны, у 2022 годзе не падвёў. Яму няма куды сыходзіць, бо на Захадзе яго ніхто не чакае. Там яго могуць нават юрыдычныя праблемы чакаць. Так што ў такой сітуацыі навошта замяняць Лукашэнку, якога Пуцін ужо добра ведае, з якім шмат сумесна працаваў, і досвед у цэлым быў пазітыўны?»
Аналітык лічыць, у Маскве ўжо вырашылі, што Беларусь у іх кішэні. А што тычыцца Лукашэнкі, то ён можа знаходзіцца ва ўладзе столькі, колькі патрэбна Расіі.
У выпадку, калі Лукашэнка захоча камусьці перадаць уладу, то, як сцвярджае аналітык, гэты чалавек будзе зацверджаны Масквой. А фігур у атачэнні Лукашэнкі, якія б яе задаволілі, шмат як у ва ўрадзе, так і ў КДБ.
Глядзіце цалкам:
Чытайце таксама:
Наколькі імаверныя Трэцяя сусветная вайна і ядзерны ўдар? Ацэнка Фрыдмана
Пасля выпадку з Назарбаевым Лукашэнку будзе складана здзейсніць транзіт — Фрыдман
Ці можна перамагчы дыктатуру мірнымі пратэстамі ў 21 стагоддзі? Разважае Фрыдман
