Трагедыя ў сям’і беларускіх уцекачоў у Польшчы: загінуў 2-гадовы сын
Летась сям'я Хілютаў праз палітычныя рэпрэсіі была вымушана з'ехаць з Беларусі ў Польшчу. Цяпер у іх здарылася трагедыя: падчас водпуску 2-гадовага Захара ўдарыла токам.
Фота з сайта zrzutka.pl
Сям'я, у якой было трое дзяцей (2, 11 і 17 гадоў), пераехала ў Варшаву, атрымала міжнародную ахову. Здавалася, жыццё наладжваецца.
Напрыканцы мая сям’я адправілася ў доўгачаканы адпачынак у наваколлі Гданьска. У першы дзень лета здарылася страшнае: двухгадовага Захара ўдарыла токам проста ў нумары гатэля.
Ратавальнікі хутка даставілі дзіця на верталёце ў бальніцу Гданьска. Два дні дактары змагаліся за жыццё хлопчыка, але, на жаль, выратаваць яго не атрымалася — 3 чэрвеня Захар памёр.
Сям’я адкрыла збор на транспарціроўку цела сына ў Варшаву, арганізацыю яго пахавання і псіхалагічную падтрымку старэйшым дзецям.
— Мы яшчэ не паспелі «ўстаць на ногі», знаходзячыся ў вымушанай эміграцыі толькі паўгода, у нас няма сталай працы, а ў сувязі з гэтай трагедыяй на нас звалілася шмат непрадбачаных выдаткаў. Мы вельмі просім аказаць нам фінансавую падтрымку, каб нам не прыйшлося ў адзіночку пераадольваць гэты вялізны боль, — напісаў тата загінулага хлопчыка.
Чытайце таксама:
Пад Гроднам маці распаліла мангал, а ад яго загарэўся сын
У Жыткавіцкім раёне жанчына з дзіцем трапілі ў рэанімацыю пасля сустрэчы з ласём
У Рагачоўскім раёне лесавоз насмерць збіў дзяўчынку
Дзяўчынцы з Гродна, якая ўпала з восьмага паверха, зрабілі ўнікальную аперацыю
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)
чаму нічога не кажацца пра спагнанне з уладальнікаў гатэля, калі там нешта было няспраўна?