Венгрыя больш не будзе блакаваць пачатак перамоў аб уступленні Украіны ў Еўрасаюз
Венгрыя перастала блакаваць узгадненне так званай рамкі для перамоў па ўступленні Украіны ў Еўрапейскі саюз. Пра гэта 14 чэрвеня паведаміў карэспандэнт «Радыё Свабода» ў Бруселі Рыкард Ёзвяк.
Фота ілюстрацыйнае
«Белы дым! Венгрыя больш не блакуе перагаворную рамку для Украіны (і заадно Малдовы). Кампрамісны тэкст узгоднены. Украіна і Малдова павінны афіцыйна пачаць перамовы аб уступленні ў ЕС 25 чэрвеня», — напісаў Ёзвяк.
Старшынства Бельгіі ў Радзе Еўрасаюза таксама паведаміла 14 чэрвеня, што паслы краін ЕС «у цэлым прыйшлі да згоды» адносна рамак для перамоў аб уступленні Украіны і Еўрасаюза.
«Бельгійскае старшынства скліча першыя міжурадавыя канферэнцыі на 25 чэрвеня», — гаворыцца ў паведамленні.
Перад гэтым 29 мая стала вядома, што Венгрыя блакуе ўзгадненне папярэдняга варыянту рамкі для перамоваў аб уступленні Украіны ў Еўрасаюз праз пытанне правоў венгерскай меншасці ва Украіне.
Еўрапейская камісія 7 чэрвеня падтрымала пачатак перамоў аб уступленні Украіны ў Еўрапейскі саюз.
Чытайце таксама:
Венгрыя не будзе блакаваць дапамогу НАТА Кіеву, але сама не будзе дапамагаць
Партыя Віктара Орбана на выбарах у Еўрапарламент паказала найгоршы вынік за 20 гадоў
Будапешт не будзе падтрымліваць санкцыі ЕС, якія могуць нашкодзіць адносінам з Мінскам
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)