Палітэмігранты прадалі кватэру ў Беларусі, але цяпер суд хоча адмяніць здзелку
У судзе Кастрычніцкага раёна Гродна пачаўся грамадзянскі працэс аб адмене здзелкі куплі-продажу кватэры. Ініцыятарам стала пракуратура горада, а адказчык — журналістка і актывістка Іна Тодрык-Пісальнік, якая з 2021 года па палітычных прычынах жыве з сям’ёй у Польшчы, піша Hrodna.life.
Анджэй і Іна Пісальнікі
13 чэрвеня суддзя Наталля Шышко пачала разглядаць справу «аб устанаўленні факту нікчэмнасці здзелкі куплі-продажу кватэры, прымяненні наступстваў яе несапраўднасці, прызнанні несапраўднай дзяржаўнай рэгістрацыі дамовы і пераходу права ўласнасці на кватэру».
Пазоўнікам выступае Міністэрства фінансаў і пракуратура Гродна.
Сярод прычын, па якіх здзелка можа быць прызнаная нікчэмнай:
- невыкананне натарыяльнай формы здзелкі або патрабавання аб дзяржаўнай рэгістрацыі;
- здзелка, якая не адпавядае патрабаванням заканадаўства;
- здзелка, здзяйсненне якой забаронена заканадаўствам;
- уяўныя і прытворныя здзелкі.
Іна Тодрык-Пісальнік і яе муж Анджэй Пісальнік — журналісты, рэдактары сайта ZnadNiemna.pl і актывісты незарэгістраванага Саюза палякаў. У красавіку 2021 года ў сям'і дома прайшоў агляд, а Іну і Анджэя павезлі ў Мінск на допыт у якасці сведак па справе, па якой абвінавачанымі праходзілі іншыя лідары Саюза палякаў. Пракуратура сцвярджала тады, што дзейнасць Анджэя Пісальніка шкодзіць нацыянальным інтарэсам Беларусі.
З-за пагрозы арышту і забірання з сям'і сына Пісальнікі тады вырашылі пакінуць краіну. Медыя, на якія Іна і Анджэй працуюць, прызналі «экстрэмісцкімі».
Чытайце таксама:
Сайт Саюза палякаў Беларусі і мінскі раённы чат прызнаныя «экстрэмісцкімі фармаваннямі»
Журналіст Анджэй Пісальнік: Нас дома затрымлівалі каля дзесяці супрацоўнікаў міліцыі
Затрыманыя польскія актывісты Інэса Тодрык-Пісальнік і Анджэй Пісальнік
Рэдактары сайта неафіцыйнага Саюза палякаў з'ехалі з Беларусі
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)