«У Беларусі гэта сапраўды раскоша». МЗС Арменіі тонка патроліла Лукашэнку ў адказ на словы Глаза
І накіравала Мінску ноту пратэсту.
Ані Бадалян. Фота: МЗС Арменіі
МЗС Арменіі накіравала Беларусі афіцыйную ноту пратэсту ў адказ на выказванне прэс-сакратара МЗС Беларусі Анатоля Глаза.
Напярэдадні Глаз, каментуючы пастанову Ерэвана адклікаць пасла з Мінска для кансультацый, пажадаў армянскаму народу «кіраўнікоў, якія ў першую чаргу будуць думаць пра будучыню сваёй краіны і грамадзян».
Яго калега з армянскага МЗС Ані Бадалян заявіла, што Ерэван накіраваў Мінску афіцыйную ноту пратэсту, піша news.am.
«Дадамо, што пажаданне мець кіраўнікоў, якія думалі б пра будучыню сваёй краіны, можа зыходзіць ад таго, хто сам гэтым валодае. У выпадку з Беларуссю на гэты момант гэта сапраўды раскоша», — адзначыла Бадалян.
Прэм'ер-міністр Арменіі Нікол Пашынян раней заявіў, што больш не прыедзе ў Беларусь, пакуль там кіруе Лукашэнка.
Чытайце таксама:
Пашынян: Я не наведаю Беларусь, пакуль прэзідэнтам будзе Лукашэнка
Пасла Арменіі ў Беларусі адклікалі ў Ерэван для кансультацый
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)