У першага намесніка кіраўніка Белчыгункі знайшлі дома $3 мільёны
Міністэрства ўнутраных спраў пацвердзіла раней апублічаную «Супольнасцю беларускіх чыгуначнікаў» інфармацыю пра тое, што за хабар затрымалі буйнога топ-менеджара Беларускай чыгункі. Пасаду яго па-ранейшаму не называюць, але можна меркаваць, што гаворка ідзе пра першага намесніка кіраўніка БЧ Пятра Дулуба.
Скрыншот з відэа
Паводле прэс-службы МУС, выяўленыя факты «сістэмнага хабарніцтва пры лабіраванні інтарэсаў камерцыйных структур, якія ажыццяўляюць дзейнасць у сферы грузаперавозак». Топ-чыноўнік нібыта супрацоўнічаў з прадстаўнікамі адной з буйных беларускіх кампаній, якая забяспечвае перавозкі грузаў як па Беларусі, так і за мяжу.
Хабарнік атрымліваў буйныя сумы грошай падчас некалькіх сустрэч, а ў тайніках ягоных кватэры і загараднага дома канфіскавана звыш 3 мільёнаў даляраў ЗША. Пры гэтым Супольнасць беларускіх чыгуначнікаў раней пісала толькі пра 1 мільён.
Пятро Дулуб
Па гэтых фактах заведзеная крымінальная справа за атрыманне хабару асобай, якая займае адказнае становішча, у асабліва буйным памеры. Падазраваны арыштаваны і «дае прызнальныя паказанні».
Чытайце таксама:
Першага намесніка кіраўніка Белчыгункі арыштавалі з $1 мільёнам хабару
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)