Знайсці
11.06.2024 / 16:0449РусŁacБел

Філосаф Мажэйкіс: Дзіўна чуць пра ліцвінізм. Мы можам папрасіць каліноўцаў увайсці ў Беларусь, калі Лукашэнка нападзе на Літву

Вядомы літоўскі антраполаг заклікаў да супрацоўніцтва з беларускімі добраахвотнікамі.

Фота з альбома «Шлях палка»

Прафесар універсітэта Вітаўта Вялікага ў Коўне, адзін з самых вядомых літоўскіх філосафаў Гінтаўтас Мажэйкіс паразважаў пра сітуацыю ў Беларусі і неабходнасць супрацоўніцтва паміж літоўскімі ўладамі ды беларускімі добраахвотнікамі ва Украіне.

У калонцы для LRT Мажэйкіс расказаў пра прызначэнне начальнікам Генштаба Беларусі Паўла Муравейкі, які адкрыта заяўляў пра магчымасць атакі Сувалкскага калідора і трымаўся іншай агрэсіўнай рыторыкі.

На думку Мажэйкіса, Беларусь знаходзіцца практычна ў поўнай залежнасці ад Расіі, што ўзровень пагрозы на мяжы краіны з Літвой будзе толькі павышацца. Пры гэтым, як адзначае філосаф, у беларускіх дэмакратычных сіл недастаткова моцы, каб перашкодзіць супрацоўніцтву Масквы ды Мінска і прымусіць рэжым Лукашэнкі да дээскалацыі сітуацыі.

Пры гэтым Мажэйкіс нагадвае, што ёсць і трэцяя сіла — полк Каліноўскага, які ваюе супраць Расіі ва Украіне. Філосаф заклікае супрацоўнічаць з палком, бо ў крытычны момант ён можа дапамагчы Літве ў выпадку агрэсіі з боку Беларусі.

«У палка ёсць баявы досвед, якога няма ў беларускай арміі Лукашэнкі. Аднак полк Каліноўскага каардынуе свае дзеянні з украінскімі Узброенымі сіламі, а не са штабам Ціханоўскай або з Каардынацыйнай радай, якая знаходзіцца пад уплывам Латушкі.

Пасля пачатку беларускай агрэсіі супраць Літвы наша краіна можа папрасіць Украіну пра дапамогу, а менавіта пра ўварванне палка Каліноўскага ў Беларусь. Таму дзіўна чуць ад літоўскіх палітыкаў крытыку ліцвінізму гэтага палка. Верагодна, многія грамадзяне Беларусі ці нават падраздзяленні беларускага войска хацелі б далучыцца да палка Каліноўскага», — піша Мажэйкіс.

Філосаф лічыць, што для літоўскіх уладаў важна падтрымліваць кантакты як з дэмакратычнымі сіламі ў Літве, так і з палком Каліноўскага — такое супрацоўніцтва ў крытычны момант можа дапамагчы Літве абараніцца ад агрэсіі. 

«Важна, што беларуская апазіцыя дапамагае ўтрымаць падначаленых Лукашэнкі ад злачыннай і катастрафічнай ваеннай аперацыі супраць краін Балтыі», — рэзюмуе Мажэйкіс.

Чытайце таксама:

Пазняк: Беларускім патрыётам трэба ісці ў полк Каліноўскага. Каб мне было не 80, я б таксама пайшоў

«Калі б хацелі стаць нядобрымі для Літвы, сядзелі б ўпотайкі» Пагутарылі з кіраўніком клуба «Ліцвіны», якому першаму прылятае за ліцвінізм

«Хачу зрабіць Пазняка персонай нон-грата» — літоўскі актывіст

Трэба раз і назаўсёды спыніць разважанні пра «вяртанне Вільні» — Рудкоўскі

«Найбольшы ўклад у нагнятанне робяць людзі, якіх падазраюць у супрацоўніцтве са спецслужбамі. Напрыклад, Карач ці Цапкала»

Праблема «ліцвінізму» не можа стаць палітычнай, бо беларусам не цесна ў межах сваёй краіны — гісторык Пашкевіч

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
29
Панылы сорам
6
Ха-ха
6
Ого
0
Сумна
2
Абуральна
5
2
Индеец/адказаць/
13.06.2024
бабруйчанін

И где эти захопники в полном составе сейчас?Ты еще расскажи сказку,  про 10 "убитых" россиян на одного раненого украинца. Терминаторы мамкины диванные.
0
Казлаускас /адказаць/
15.06.2024
Как говорит наш историк Баранаускас: Литва принадлежит только литОвцам. Его теорию подтверждают наши историки Кулаковас и Столяровас. Тот же Калинаускас, в своих письмах из под Вильнюса утверждал,что: его народ звался литОвцами.
0
Valadzimir/адказаць/
15.06.2024
Казлаускас , нагадаю, што літва - нашчадкі ваяўнічых вольналюбівых заходнеславянскіх перасяленцаў лютічаў (лютічы-лютва-літва), што зафіксавана ў старажытнарускім летапісы ў паведамленьні аб расьсяленьні славянскіх плямёнаў: "...друзии лютичи литва...". Бязглуздыя байкі пра фэйкавых "ваінсцьвенных балтов літовцев" расказвайце ў сваёй Ліетуве.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930