Знайсці
11.06.2024 / 13:251РусŁacБел

У Оршы прадаюць Skoda Octavia з рэкордным прабегам 900 тысяч кіламетраў

Гэта як да Месяца і назад.

Фота: cars.av.by

У Оршы прадаецца Skoda Octavia з прабегам 900 тыс. км. У машыне шмат чаго памянялі, але яна ўсё яшчэ ездзіць штодня як таксі. Журналіст Tochka.by патэлефанаваў прадаўцу.

Skoda Octavia пакалення А7 — 2014 года выпуску. На механічнай каробцы перадач. Пад капотам стараецца 1,6-літровы рухавік на 110 конскіх сіл.

Фота: cars.av.by

Сярэдні расход бензіну — 6,4 л на 100 км. Але гэтая Skoda ездзіць на метане — пухлы балон займае палову прасторнага багажніка ліфтбэка.

У аб'яве ўказаны прабег 843 тысяч кіламетраў. Прадавец не стаў яго скручваць. Праўда, актуальная лічба ўжо падабралася да 900 тыс. км.

«Кожны дзень намотваю па 300-500 км», — распавёў гаспадар аўтамабіля Сяргей, ён актыўна таксуе.

Па фота бачна, што машына паездзіла. Хоць сур'ёзных бачных пашкоджанняў па кузаве няма. Хіба што пайшла іржа па парогах.

Фота: cars.av.by

«Памяняў рухавік — пачала ціснуць аліва. Счапленне памяняў. Перабіраю падвеску кожныя 40 тыс. км. скрынка родная», — Сяргей клапоціцца пра машыну.

Цэннік — 8 300 даляраў. Магчымы торг.

«Машына ў продажы стаіць пару тыдняў, але пакуль ніхто, акрамя вас, мне не тэлефанаваў», — заявіў гаспадар Skoda.

Чытайце таксама:

У Беларусі могуць істотна падаражэць аўтамабілі. Усё праз новыя еўрапейскія патрабаванні

Дзве краіны ў ЕС прапанавалі не абмяжоўваць вываз люксавых тавараў у Беларусь

«Увоз аўто ва ўзросце да 5 гадоў фактычна забаронены». Як зменяць сітуацыю новыя правілы прыгону аўто ў Беларусь

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
4
Ха-ха
4
Ого
2
Сумна
0
Абуральна
0
1
Валя/адказаць/
11.06.2024
1200, больше не дам. Отдашь?
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930