У Гомелі хлопец перавозіў у аўтобусе вялікую змяю проста ў сябе на плячы. Хіба так можна?
Відэа апублікаваў паблік «Гомель. Главное!». Там адзначаюць, што незвычайны пасажыр быў заўважаны ў гомельскім аўтобусе 21-га маршруту, пішуць «Моцныя навіны».
Скрыншот з відэа
Бачна, што малады чалавек перавозіў змяю проста ў сябе на плячы. Нягледзячы на спакойны выгляд рэптыліі і цікавасць многіх пасажыраў, узнікае слушнае пытанне — ці можна так перавозіць змяю?
У «Гомельаблпасажыртрансе» на запыт адносна гэтага пытання нагадалі аб правілах пасажырскіх перавозак. У гэтым дакуменце, маўляў, няма прамой забароны на перавозку змей, але бянтэжыць спосаб перавозкі.
Гадаванец у такім выпадку павінен быць у клетцы, сумцы або мяшку, але ніяк не на плячы.
Чытайце таксама:
У Інданезіі гіганцкі пітон праглынуў жанчыну
На аўкцыёне ў Смалявічах будуць біцца за права здабываць гадзюк
Пад Ляхавічамі ў вясковую краму прыпаўзла змяя. Давялося выклікаць ратавальнікаў
