У Беларусі нашэсце кляшчоў: крывасмокаў у 1,6 раза больш, чым летась
У Міністэрстве аховы здароўя расказалі, як сёлета справы з клешчавымі інфекцыямі. І справы гэтыя не надта пазітыўныя.
У міністэрстве расказалі, што маніторынг іксодавых кляшчоў засведчыў, што ў Беларусі колькасць гэтых паразітаў у 1,6 разу перавысіла паказчык таго ж перыяду 2023-га.
Рост іх колькасці абумоўлены раннім цяплом, з-за чаго першыя крывасмокі з'явіліся ўжо ў лютым на поўдні краіны.
У студзені—маі да лекараў звярнуліся больш за 6,6 тысячы беларусаў, у тым ліку прыкладна 2,5 тысячы дзяцей. Больш за ўсё пацярпелых у Гродзенскай, Брэсцкай абласцях і Мінску.
Як сведчыць статыстыка ведамства, часцей за ўсё кляшчы прысмоктваюцца да чалавека ў лесе (44%), сельскай мясцовасці і на дачных участках (35%), у населеных месцах і зонах адпачынку (12%).
Пасля зваротаў кляшчоў даследавалі ў лабараторыях і вызначылі, што іх інфікаванасць барэліямі складала каля 25%, а вірусам клешчавога энцэфаліту — каля 0,7%.
Медыкі нагадалі, што заразіцца вірусным клешчавым энцэфалітам можна яшчэ і пасля ўжывання ў ежу сырога казінага малака.
Чытайце таксама:
Дзе ў Мінску можна зрабіць прышчэпку ад клешчавога энцэфаліту
У Баранавічах людзі заразіліся клешчавым энцэфалітам, хоць кляшчы іх не кусалі
Чаму ў беларускіх лясах стала так шмат кляшчоў? Асноўныя прычыны дзве
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)