У Іране прэзідэнта будуць выбіраць з шасці кандыдатаў
Міністэрства ўнутраных спраў Ірана 9 чэрвеня абвясьціла імёны шасці прэтэндэнтаў на пасаду прэзідэнта краіны. Выбары пройдуць 28 чэрвеня, паведаміла дзяржаўнае агенцтва Mehr.
Фота: mehrnews.com
Рэгістрацыя кандыдатаў праходзіла ў Іране з 30 мая па 3 чэрвеня. Ахвотных паўдзельнічаць у выбарах спачатку знайшлося ажно 278 чалавек. У выніку, праўда, дакументы былі прынятыя толькі ў 80 палітыкаў, у тым ліку, як гэта ні дзіўна, у чатырох жанчын.
У выніку Рада вартавых Канстытуцыі, якая разглядае кандыдатуры на прадмет адпаведнасці кваліфікацыі пасадзе кіраўніка выканаўчай улады, зацвердзіла шэсць кандыдатаў:
- экс-кіраўнік МУС Мустафа Пур Махамадзі;
- цяперашні спікер парламента Махамад Багер Галібаф;
- прадстаўнік аяталы Ірана ў Вышэйшым савеце нацыянальнай бяспекі Саід Джалілі;
- былы міністр аховы здароўя і медыцынскай адукацыі Ірана і член парламента Масуд Пезешкіян;
- мэр Тэгерана Алірэза Закані;
- кіраўнік фонду па справах пакутнікаў і ветэранаў Амір-Хасейн Газізадэ Хашэмі.
Папярэдні прэзідэнт краіны Эбрахім Раісі 19 мая загінуў у авіякатастрофе. Па прагнозах экспертаў, змена прэзідэнта не прывядзе да істотнай змены знешняй палітыкі Ірана.
Чытайце таксама:
Лукашэнка: Амерыканцы забаранялі абслугоўваць верталёт Раісі
Ушанаванне прэзідэнта Раісі ў ААН параўнальна з ушанаваннем Сталіна — Bild
У іранскім Тэбрызе праходзіць цырымонія развітання з прэзідэнтам Раісі
Сын іранскага шаха: Спачуванні з нагоды смерці Раісі — гэта абраза памяці яго ахвяр
