Бондарава папрасіла прабачэння за Сялук, але зрабіла гэта без належнай павагі
Сумнавядомая даносчыца працягвае выбачацца.
«Паважаныя суграмадзяне! Жадаю сказаць, што калі я пісала пра тое, што Ганна Сялук змагарка, я памылялася, бо гэта не праўда. Інфармацыю заўсёды трэба правяраць», — напісала яна ў сваім тэлеграм-канале.
Бондарава нядаўна, пабачыўшы прозвішча Сялук у праграме дзяржаўнага канцэрта разам з іншымі нямілымі ёй артыстамі, назвала нявестку Лукашэнкі бэчэбескай і змагаркай. Праўда, хутка выдаліла допіс.
На мінулым тыдні ёй пазваніў вядомы беларускі пранкер-жартаўнік Андрэй Павук, прадставіўшыся афіцэрам КДБ і строга папрасіў больш не памыляцца:
«Я не ведала, хто яна такая, пакуль мне пра гэта не ўдакладнілі», — пачала тады апраўдвацца Бондарава.
«Сур’ёзна, я не ведала. Пра гэта нідзе не пішуць. А я спецыяльна такую інфармацыю не стаўлю сабе за мэту шукаць. Я іншых людзей шукаю, па іншых працую», — дадала даносчыца, паспрабаваўшы перавесці стрэлкі на іншых дзеячаў культуры, якія ёй не падабаюцца.
Чытайце таксама:
«Я не ведала, хто яна такая». Бондарава апраўдваецца за наезд на нявестку Лукашэнкі
Бондарава назвала нявестку Лукашэнкі бэчэбескай і змагаркай
Па даносе Бондаравай затрыманы сузаснавальнік івэнт-агенцтва «Ружовая зебра»
Бондарава паскардзілася Пярцову на карупцыю ў Мінкульце — яе скаргу спусцілі ў Мінкульт
Бондарава занялася фізіялогіяй мозга: выявіла змены гіпофіза пры менструацыі
