У сутыкненні маршруткі і трактара ў Бабруйскім раёне пацярпелі 13 чалавек, двое ў рэанімацыі
Міністэрства аховы здароўя выдала прэс-рэліз па выніках ДТЗ ў Бабруйскім раёне, дзе маршрутка, поўная пасажыраў, сутыкнулася з трактарам МТЗ.
Паводле паведамлення спецыялістаў Рэспубліканскага цэнтра медыцынскага рэагавання Мінздароўя, у выніку ДТЗ 13 з 17 пасажыраў звярнуліся па медыцынскую дапамогу.
Двое пацярпелых пасля аказання першай дапамогі самастойна паехалі ў Рэчыцу, а 11 звярнуліся ў Бабруйскую бальніцу хуткай медыцынскай дапамогі і ў Бабруйскую цэнтральную бальніцу.
У выніку ў гэтыя бальніцы былі шпіталізаваныя 10 пацярпелых — два ў рэанімацыі, 8 у аддзяленні. 11-ы пасажыр пасля агляду і рэкамендацый адпраўлены на амбулаторны этап лячэння.
Аварыя адбылася сёння каля 15.00 на аўтадарозе Бабруйск — Мазыр паблізу вёскі Брожка Бабруйскага раёна. Кіроўца маршрутнага таксі Mercedes-Benz Sprinter, 32-гадовы мужчына, сутыкнуўся з трактарам МТЗ, які рухаўся наперадзе ў тым жа кірунку і рабіў паварот налева.
Чытайце таксама:
У Бабруйскім раёне маршрутка з людзьмі сутыкнулася з трактарам
У Беларусі ў гэтым годзе загінулі 42 дзіцяці
Бензавоз пад Крупкамі выляцеў на сустрэчную паласу і ўрэзаўся ў два грузавікі
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)