У Аўстрыі паліцыя 46 кіламетраў гналася за грузавіком з беларусам і нават страляла па ім
Раніцай у мінулую сераду, 29 мая, на аўстрыйскім аўтабане А12 увагу відавочцаў сваім стылем язды прыцягнуў грузавік.
Відавочца патэлефанаваў у паліцыю і паведаміў, што кіроўца безразважна кіраваў аўтамабілем, пастаянна рухаўся ў левай паласе і пераследваў іншых удзельнікаў дарожнага руху, піша abw.by.
Паліцэйскі патруль выявіў грузавік недалёка ад Мюнстэра (правінцыя Тыроль). Паліцыянты ўключылі пробліскавыя маячкі. Аднак кіроўца праігнараваў патрабаванні аб спыненні і заехаў на закрыты ўчастак дарожных работ. Там ён пераехаў праз агароджу. Толькі праехаўшы больш за 46 кіламетраў, паліцыя змагла спыніць кіроўцу грузавіка на выездзе з Вёргля.
Аднак кіроўца зноў паспрабаваў з'ехаць. І тады паліцыянты зрабілі два папераджальныя стрэлы ў паветра. Мужчына спыніў грузавік, але каб яго нарэшце арыштавалі, давялося ўжыць пярцовы балончык. Пасля аказання першай дапамогі экстраннымі службамі 37-гадовы кіроўца быў дастаўлены ў бальніцу. Кіроўца аказаўся грамадзянінам Беларусі. У якой еўрапейскай транспартнай кампаніі ён працуе, не паведамляецца.
З-за інцыдэнту трасу A12 нават прыйшлося закрываць на кароткі час. Мужчыну прад'яўлена абвінавачванне ў спробе супраціву супрацоўнікам дзяржаўнай улады і розных іншых парушэннях.
Чытайце таксама:
34-гадовы дальнабойшчык з Баранавічаў, імаверна, загінуў у Францыі
