У Варшаве затрымалі беларуса, які згубіў пашпарт і жыў у машыне
Яму пагражае 10 гадоў за наркотыкі.
Фота: паліцыя Варшавы
У Варшаве падчас планавага кантролю паліцыя спыніла машыну 26-гадовага беларуса. Паводзіны мужчыны здаліся патрульным падазроным: ён нерваваўся і як быццам спрабаваў нешта схаваць.
Тады паліцэйскія вырашылі агледзець аўтамабіль і знайшлі ў ім наркотыкі, піша Most са спасылкай на Варшаўскую раённую паліцыю.
У Audi A4 паліцыянты выявілі 160 доз марыхуаны, какаіну, мефедрону, гашышу і галюцынагенных грыбоў агульнай вагой каля кілаграма. Яны былі расфасаваны і заматаны каляровымі стужкамі. Верагодна, наркотыкі прызначаліся для продажу.
Паліцыі ён заявіў, што згубіў пашпарт і жыве ў машыне. Яму выставілі абвінавачванне ў захоўванні вялікай колькасці наркатычных сродкаў. Мужчына прызнаў віну. У дачыненні да яго ўведзены паліцэйскі нагляд — ён павінен рэгулярна адзначацца ў паліцэйскім участку.
Нашаму суайчынніку пагражае да 10 гадоў пазбаўлення волі.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)