Сацсетка X афіцыйна дазволіла сваім карыстальнікам публікаваць эротыку і парнаграфію
Сацсетка X (былы Twitter) абнавіла свае правілы, афіцыйна дазволіўшы карыстальнікам размяшчаць на платформе кантэнт для дарослых.
Ілюстрацыйнае фота
«Мы лічым, што карыстальнікі павінны мець магчымасць ствараць, распаўсюджваць і атрымліваць матэрыялы, звязаныя з сэксуальнай тэматыкай, калі яны ствараюцца і распаўсюджваюцца па ўзаемнай згодзе», — гаворыцца ў правілах.
Згодна з імі, карыстальнікі змогуць публікаваць кантэнт «які дэманструе сэксуальную актыўнасць дарослых людзей або аголенае цела», пры ўмове, што ён будзе належным чынам адзначаны і не будзе размяшчацца на» бачным месцы», напрыклад, на аватарку профілю. Удакладняецца, што правілы распаўсюджваюцца на ўвесь кантэнт для дарослых, уключаючы анімацыю і матэрыялы, створаныя пры дапамозе штучнага інтэлекту, піша «Медуза».
Сацсетка таксама папрасіла карыстальнікаў, якія рэгулярна публікуюць кантэнт для дарослых, унесці змены ў Налады сваіх профіляў. Такім чынам публікуемыя матэрыялы будуць суправаджацца папярэджаннем пра змест. Карыстальнікі, якія не дасягнулі 18 гадоў або не паказалі сваю дату нараджэння, не змогуць іх праглядаць.
Часопіс Variety адзначае, што платформа ніколі не забараняла публікацыю такіх матэрыялаў. Больш за тое, каля 13% усіх допісаў на платформе ў 2022 годзе ўтрымлівалі кантэнт для дарослых.
Прафесар камунікацый Карнельскага ўніверсітэта Брук Эрын Дафі ў каментары Variety адзначыла, што афіцыйны дазвол X на публікацыю пастоў з утрыманнем для дарослых «добра ўзгадняецца з маркетынгавай стратэгіяй кампаніі пасля прыходу Ілона Маска». «X безумоўна правакацыйны і імкнецца аддзяліць сябе ад «бяспечных брэндаў-канкурэнтаў», такіх як Meta, YouTube і TikTok», — патлумачыла яна.
