У Манголіі затрымалі актывістаў, якія пратэставалі супраць візіту Лукашэнкі
Мангольскі грамадскі рух «Не вайне» зладзіў акцыю пратэсту супраць візіту Аляксандра Лукашэнкі ў краіну. Актывісты выйшлі на плошчу Сухэ-Батар у сталіцы краіны, дзе іх затрымала паліцыя, піша «Радыё Свабода».
Скрыншот з відэа
Кіраўніка руху пратрымалі ў пастарунку 2,5 гадзіны. Ён адзначыў, што гэта была ўжо 112-я акцыя ў падтрымку Украіны, але цяпер актывісты пратэставалі яшчэ і супраць прыезду Лукашэнкі.
«Лукашэнка з'яўляецца ваенным злачынцам паводле міжнароднага крымінальнага права. Паколькі Манголія далучылася да Канвенцыі, яна абавязаная арыштаваць Лукашэнку, як толькі ён прыбудзе ў Манголію. Аднак аб’явіць гэта дзяржаўным візітам высокага рангу і прытуліць гэтага чалавека ў краіне на чатыры дні пад першакласнай аховай — гэта акт, які падпадае пад міжнародныя санкцыі. Гэта паводзіны, якіх не павінна быць у знешняй палітыцы Манголіі.
Лукашэнка — паплечнік кіраўніка Расіі Пуціна. Ягонаму візіту супрацьстаялі, бо паводле Крымінальнага кодэкса ён з'яўляецца ваенным злачынцам», — патлумачыў палітычны дзеяч акцыю.
Удзельнікі руху заявілі, што зафіксуюць пабоі і будуць скардзіцца на незаконнае затрыманне.
Чытайце таксама:
Былы прэзідэнт Манголіі заклікаў арыштаваць Лукашэнку, калі ён прыляціць у гэту краіну
Лукашэнка: Пуцін дзейнічае ва Украіне як Чынгісхан
Лукашэнка вучыў манголаў, як трэба трымаць уладу
Міністр Кубракоў прапанаваў, каб беларускія зняволеныя шылі форму і мангольскім сілавікам
