Каля Эйфэлевай вежы знайшлі пяць трунаў, абгорнутых у французскія сцягі
На іх былі надпісы «французскія салдаты ва Украіне». За гэту правакацыю арыштавалі трох чалавек.
Ілюстрацыйны здымак. Фота: commons.wikimedia.org
У суботу раніцай тры чалавекі пакінулі пяць трунаў у натуральную велічыню на набярэжнай ў Парыжы каля Эйфелевай вежы. У трунах быў гіпс, паведамляе AFP.
Кіроўцу фургона, які перавозіў труны, арыштавалі непадалёк. Ён распавёў паліцыі Парыжа, што яму заплацілі 40 еўра за тое, каб ён адвёз двух іншых людзей і іх груз. Кіроўца прыбыў з Балгарыі напярэдадні ўвечары.
Яшчэ двух фігурантаў затрымалі пазней на іншым канцы Парыжа — на аўтавакзале Берсі, дзе яны збіраліся сесці на рэйс у Берлін. Адзін з затрыманых быў украінцам, а другі — немцам.
Такая правакацыя магла стаць адказам на абмеркаванне магчымай адпраўкі заходніх войск ва Украіну.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)