Які момант быў для Лукашэнкі самым траўматычным? Разважае Дракахруст
Герой новага выпуску ТОК — палітолаг Юрый Дракахруст.
Аляксандр Лукашэнка выступае на мітынгу 16 жніўня 2020 года
На погляд Дракахруста, для Лукашэнкі за ўвесь час яго праўлення былі два самыя драматычныя моманты, якія маглі змяніць гісторыю Беларусі. Гэта 1996 і 2020 гады. Але самым траўматычным быў менавіта 2020.
«Калі ён прыязджаў на МЗКЦ (Мінскі завод колавых цягачоў. — НН), і народ яму раве: «Пайшоў прэч!», «Сыходзь!». З яго славалюбствам, самалюбствам, верай, што народ з ім, гэта было для яго шокам».
Юрый Дракахруст. Скрын відэа TOK_talk / YouTube
Дракахруст дадае:
«Мы цяпер заднім лікам разважаем: «там усё было перадвызначана». Не, не было. Бывала ў гісторыі так, як у Беларусі: падзеі ішлі, ішлі — а потым хада была іншай. І ў прынцыпе які быў разлік 2020 года? Ён быў такі, як і ў ва ўсіх аксамітных рэвалюцый ва Усходняй Еўропе: народ мірным шляхам, псіхалагічным, духоўным, маральным ціскам на ўладу дамагаецца таго, што яна проста рассыпаецца».
У якасці прыкладу палітолаг згадаў масавыя пратэсты ў Чэхаславакіі ў 1989 годзе:
«Чэхі таксама дзейнічалі, як беларусы ў 2020-м. Мітынг адзін, мітынг другі, трэці. І ў штаб пратэстаў прыйшоў чалавек і кажа: «Я за вас у ЦК кампартыі. Вось вам ключы. Забірайце».
Гэты ЦК ніхто не штурмаваў. Проста была такая дэмаралізацыя пад ціскам мірнага народа, што чалавек аддаў ключы. Падобнае магло быць і ў Беларусі».
Глядзіце цалкам:
Чытайце таксама:
Найноўшая гісторыя: рэферэндум-1996 у Беларусі паміж бяздарным Шарэцкім і гатовым на ўсё Лукашэнкам
Рабочыя МЗКЦ у твар скандавалі Лукашэнку «Ухадзі!». Разгублены, ён не змог авалодаць сітуацыяй ВІДЭА
