Знайсці
30.05.2024 / 15:40РусŁacБел

Мінчук зламаў зуб костачкай чарнасліву на рэйсе «Белавія». І засудзіў за гэта туркампанію

Мінулым летам мужчына зламаў зуб, вяртаючыся самалётам з адпачынку з Турцыі. Год судзіўся з туркампаніяй і ў выніку даказаў, што атрымаў няякасную паслугу, піша Reform.news са спасылкай на Вярхоўны суд Беларусі.

Самалёт авіякампаніі «Белавіа». Фото: belavia.by

У 2023 годзе грамадзянін К. заключыў са сталічным тураператарам ТАА «АнексТур Бай» «дамову аказання турыстычных паслуг па браніраванні авіятура ў Турцыю па маршруце Мінск — Анталья — Мінск».

«Вяртаюцыся назад, назад падчас вячэры, прапанаванай прадстаўнікамі работнікамі «Белавія», пашкодзіў зуб костачкай чарнасліву, якая знаходзіцца ў ежы», — выкладае перадгісторыю суд.

Па вяртанні дадому, мужчына звярнуўся ў туркампанію і прапанаваў аплаціць яму рэстаўрацыю зламанага зуба, у чым яму было адмоўлена. Тады ён адрамантаваў зуб, заплаціўшы 171 рубель 76 капеек і падаў на прадаўцоў турпуцёвак у суд, запытаўшы яшчэ 1500 рублёў за маральную шкоду.

Суд разгледзеў абставіны справы і вырашыў, што туркампанія адказвае за ўвесь комплекс паслуг, які аказваецца на працягу турыстычнай паездкі, у тым ліку і тых, якія тычацца перавозкі і харчавання кліента: «дагаворныя адносіны паўсталі ў пазоўшчыка і ТАА «АнекстурБай», у рамках якіх апошні адказвае за невыкананне або неналежнае выкананне абавязацельстваў прыцягнутымі ім арганізацыямі, у тым ліку ажыццяўляюць перавозку турыстаў і якія прадстаўляюць турыстам харчаванне, у сувязі з чым падлягае задавальненню патрабаванне істца аб спагнанні сумы страт у памеры 171,76 рубля», — пастанавіў суддзя Першамайскага раёна Мінска.

У выніку суд абавязаў выплаціць пазоўніку 500 рублёў за маральныя пакуты, а таксама дзяржпошліну і кампенсацыю судовых выдаткаў.

Турыстычная кампанія не стала аспрэчваць вердыкт.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
8
Панылы сорам
4
Ха-ха
4
Ого
0
Сумна
0
Абуральна
2
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930