Знайсці
30.05.2024 / 11:3516РусŁacБел

Тур: Так, часцей за ўсё мы адпраўляем пытанні Лукашэнку на ўзгадненне

Ці ўзгадняюць пытанні журналісты перад тым, як задаць іх Аляксандру Лукашэнку? Узгадняюць, адказаў прапагандыст Ігар Тур і даў гэтаму сваё тлумачэнне.

«Раз ужо такая справа — так, часцей за ўсё мы адпраўляем пытанні прэзідэнту на ўзгадненне», — пайшоў на шчырасць Тур. 

Ён гэта тлумачыць тым, што «любое пытанне да Лукашэнкі — гэта высокая палітыка». 

«Не толькі яго адказ, але і само пытанне. Высокая палітыка вельмі тонкая, і ў высокай палітыцы цана аднаго няслушнага слова, а ўжо тым больш пытання — вельмі высокая. 

Скажам, я магу тройчы адпраўляць запыт на пытанне «Аляксандр Рыгоравіч, а вось асабіста вы гатовыя садзіцца за стол перамоваў з Зяленскім, падаць яму руку і дамовіцца аб міры на Украіне, зрабіўшы выгляд, што забыліся на ранейшыя словы і дзеянні Уладзіміра Аляксандравіча супраць краіны і вас асабіста?» — умоўна сёння, восенню 2024 і вясной 2025. 

І толькі ў трэцім выпадку задаць менавіта гэтае пытанне менавіта ў гэтай фармулёўцы будзе карэктна, таму што цяпер будзе да месца. І нават патрэбнае. 

А сёння гэтае пытанне лішняе, таму што само маё гэтае пытанне менавіта ў гэтай фармулёўцы сёння можа згуляць супраць нацыянальных інтарэсаў Беларусі. А ўвосень 2024 года — выдатнае пытанне, але трэба будзе крыху памяняць фармулёўку», — лічыць Тур. 

Прапагандыст удакладняе, што ўзгадняе пытанні Лукашэнку прэс-сакратарка Наталля Эйсмант. 

@nashanivanews Што нарабілася #лукашенко#нашаніва#беларусь#беларускаямова#белорусы#новостибеларуси♬ Paris - 3Hzwave

«Для гэтага ў прэзідэнта ёсць прэс-сакратар, якая ведае ўсе палітычныя тонкасці розных часавых адрэзкаў. І прымае рашэнне не зыходзячы з таго, ці падабаецца ёй гэтае пытанне або ці спадабаецца гэтае пытанне Аляксандру Рыгоравічу, а зыходзячы з таго — трэба краіне, каб менавіта гэтае пытанне і адказ на яго прагучалі сёння публічна ці не?» — піша Тур. 

Тэма ўзгаднення пытанняў спікерам была паднятая дачкой Алега Гайдукевіча Лізаветай, якая ў эфіры СТБ распавяла, як праходзяць дыялогавыя пляцоўкі ў ВНУ. 

«Усім студэнтам раздаюць пытанні, якія яны павінны задаць, а тым, хто сапраўды жадае задаць пытанне, проста не даюць гэтага зрабіць. Пасля гэтага я перастала хадзіць на дыялогавыя пляцоўкі», — сказала Лізавета.

Чытайце таксама:

Чаму Лукашэнка папракаў сваіх прапагандыстаў за тэму Украіны?

Лукашэнка ў выступе паўтараў ідэі Марата Маркава. Асоба новага міністра інфармацыі ўжо вызначана?

«Некаторыя зорку злавілі. Выйсці на экран, лаючы ўсё…». На каго з прапагандыстаў намякаў Лукашэнка?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
3
Панылы сорам
19
Ха-ха
16
Ого
1
Сумна
0
Абуральна
2
30.05.2024
Здаў прапагандон аналіз, і ў заключэнні яму напісалі: "у вашым вернападданіцтве журналістыкі не выяўлена".
0
Штолле/адказаць/
30.05.2024
тур - той шчэ певень.
0
русский лапоть/адказаць/
30.05.2024
Нирвана и виртуальная реальность должна продолжаться и ничем не нарушатся. Не зря заботливые руки массандры работают с утра до вечера.
Это говорит только о том, что танцору мешают  железные причандалы и недостаток ума, образования, кругозора. Русский лапоть он и есть русский лапоть на любой должности.
В русском мире, нормальный человек,  не может занимать должность русского лаптя, даже претендующего на нормальность и ум.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930