Знайсці
30.05.2024 / 10:146РусŁacБел

Японец патраціў кучу грошай, каб стаць сабакам

Раней ён быў колі, а цяпер маламут.

Тока ў касцюме колі. Фота: toco.ev / Instagram

Пару гадоў таму японец, які піша пад імем Тока (Toco), абвясціў свету аб сваёй незвычайнай мары — жыць як сабака, адчуваць задавальненне ад тых заняткаў, якімі напоўнены кожны дзень найлепшага сябра чалавека, прагулак у парку, гульні з пластыкавымі мячыкамі і фрысбі на падлозе.

«З самага дзяцінства я хацеў быць жывёлай. Мяркую, гэтае жаданне ператварыцца ў нешта іншае. Я думаў пра гэта, колькі сябе памятаю» — прызнаўся Тока ў інтэрв'ю Daily Mail. 

Мужчына не раскрывае сваю сапраўдную асобу, бо баіцца, што яго сябры і сям'я могуць палічыць яго захапленне крыху дзіўным, але ён паказвае сваё жыццё ў якасці сабакі як на YouTube, так і ў Twitter.

У 2022 годзе Тока выдаткаваў 14 тысяч даляраў на свой першы касцюм колі. Ён меў вельмі рэалістычны выгляд і анатамічна правільныя канечнасці. Але слабым месцам была галава, па якой можна было вызначыць падробку.

Нядаўна Тока пераапрануўся ў касцюм маламута. У адрозненне ад старога, ён мае больш рэалістычны выгляд і абсталяваны механізмам, які прымушае хвост віляць і рухаць сківіцай. Мужчына не паведамляе, колькі яму давялося заплаціць на гэты раз.

Тока запісаў відэа, дзе праводзіць серыю тэстаў на спрынт у вобразе сабакі. Напрыклад, ён спрабуе пераскочыць бар'ер у вышыню каля 40 сантыметраў, пераадолець слалам і падняцца на горку.

Акрамя касцюмаў сабак, у калекцыі Тока ёсць рэалістычны касцюм ваўка. Таксама ён не супраць паспрабаваць пажыць у вобразе панды ці мядзведзя. Мужчына дзеліцца відэа, як ён у сваіх касцюмах гуляе па парках і «камунікуе» з іншымі сабакамі.

Чытайце таксама:

З Беларусі эвакуявалі чалавека з незвычайным хобі. Ён выказваў грамадзянскую пазіцыю, проста бегаючы

Пра незвычайнае хобі першага беларускага касманаўта напішуць кнігу

Незвычайнае хобі новага галоўнакамандуючага УСУ Аляксандра Сырскага 

Антось Жупран

Хочаш падзяліцца важнай інфармацыяй
ананімна і канфідэнцыйна?

Клас
7
Панылы сорам
61
Ха-ха
13
Ого
11
Сумна
6
Абуральна
6
0
Ганьба/адказаць/
30.05.2024
Чым бы японцы не цешыліся, абы б "Ямата" не адбудоўвалі!
30.05.2024
  Японец патраціў кучу грошай, каб стаць сабакам

Мог бы приехать в Беларусь и поступить на работу в губопик
31.05.2024
01, лучший комментарий!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930