Знайсці
29.05.2024 / 19:141РусŁacБел

Падобна, двух топ-чыноўнікаў з Мінфіна і Мінтранса судзяць за хабар і «здраду дзяржаве»

Андрэю Іванову і Аляксандру Карзюку пагражае да 25 гадоў турмы.

Злева направа: Андрэй Іваноў і Аляксандр Карзюк. Фота: bvn.by, «Кіберпартызаны»

На лаве падсудных аказаліся Андрэй Іваноў і 56-гадовы Аляксандр Карзюк. Іх ініцыялы цалкам супадаюць з імёнамі колішніх беларускіх топ-чыноўнікаў. Іваноў да 2020-га займаў пасаду намесніка міністра транспарту і камунікацый, а Карзюк да нядаўняга часу ўзначальваў упраўленне фінансаў ЖКГ, транспарту і сувязі Міністэрства фінансаў.

Карзюк аніводнага разу не даваў публічных інтэрв'ю. Вядома толькі, што ён добра гуляе ў шахматы.

Андрэй Іваноў раней узначальваў РУП «Белаўтастрада», якое абслугоўвае сістэму BelToll. У сакавіку 2019-га яго назначылі намеснікам міністра транспарту і камунікацый. «Беларусь і Расія — суседзі, саюзнікі і аднадумцы», — казаў Іваноў у адным з апошніх сваіх інтэрв'ю на пасадзе. Ён ездзіў з працоўнымі камандзіроўкамі ў розныя краіны, у тым ліку і ў ЕС. Але ў сакавіку 2020-га яго раптоўна здымаюць «па пагадненні бакоў».

@nashanivanews Лукашэнкаўскіх функцыянераў могуць пасадзіць на 25 гадоў #беларусь#беларусьновости#нашаніва#беларускаямова#милиция♬ Crime Scene - Avery Alexander

Суд над мужчынамі пачаўся 27 мая ў Мінскім гарадскім судзе. Ён будзе закрыты.

Акрамя «атрымання хабару ў буйным і асабліва буйным памерах» (ч. 2 і ч. 3 КК РБ) абодвух мужчын судзяць па ч. 2 арт. 356 КК, «здрада дзяржаве, здзейсненая службовай асобай, якая займае адказнае становішча». Сутнасць абвінавачання невядомая.

Ім пагражае па суме абвінавачанняў да 25 гадоў турмы. Судзіць іх суддзя Сяргей Кацэр, вядомы па многіх палітычных справах.

«Наша Нiва» — бастыён беларушчыны

ПАДТРЫМАЦЬ

Чытайце таксама:

За буйны хабар судзяць дырэктара «Мінскрамбуда» і тылавога начальніка з Дэпартамента аховы МУС

Намесніку кіраўніка прадпрыемства з групы кампаній «Санта» далі 10 гадоў за буйны хабар

Вынесены прысуд кіраўніку гомельскага Белінвестбанка, якога адначасова судзілі за палітыку, карупцыю і наркотыкі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
5
Панылы сорам
2
Ха-ха
12
Ого
12
Сумна
1
Абуральна
8
1
непохоже/адказаць/
29.05.2024
Вы определили лицо на основании инициалов? На 9 млн. человек всего один Иванов А.И.? Интересно, а сколько у нас Петровых А.И., Смирновых А.И.? Тоже по одному??? У меня на бывшей работе было 2 (два) Лопатина А.И. - но это были совершенно разные люди, даже далеко не родственники!
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930