Знайсці
28.05.2024 / 15:39РусŁacБел

Валянцін Елізар'еў развітаўся з Вялікім тэатрам

Легенда беларускага балета сыходзіць з пасады мастацкага кіраўніка тэатра, якому аддаў больш за паўстагоддзя свайго жыцця.

Валянцін Елізар'еў. Фота: Вялікі тэатр Беларусі

Мастацкі кіраўнік Вялікага тэатра, знакаміты харэограф Валянцін Елізар'еў, развітаўшыся з тэатрам, сышоў на заслужаны адпачынак, паведамляе афіцыйны тэлеграм-канал Вялікага тэатра Беларусі.

«Больш за 50 гадоў служэння тэатру, мастацтву, сцэне… агонь сапраўднай творчасці, які нясе ў сабе Валянцін Мікалаевіч, гарыць цяпер у яго вучнях, артыстах, спектаклях. А значыць — у гледачах, у якіх любоў да балетаў Елізар'ева, здаецца, перадаецца з пакалення ў пакаленне», — гаворыцца ў паведамленні.

У 2023 годзе ў Вялікім тэатры прайшло ўшанаванне народнага артыста. Мерапрыемства прысвяцілі паўвекавому юбілею працы Елізар'ева на тэатральнай сцэне.

У 1973 годзе Елізар'ева, 26-гадовага выпускніка Ленінградскай дзяржаўнай кансерваторыі імя Рымскага-Корсакава, запрасілі стаць галоўным балетмайстрам Дзяржаўнага акадэмічнага Вялікага тэатра оперы і балета БССР. Такім чынам ён служыў тэатру амаль 51 год.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
3
Панылы сорам
1
Ха-ха
0
Ого
1
Сумна
5
Абуральна
0
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930