Знайсці
27.05.2024 / 11:497РусŁacБел

«Будуць арыштаваныя сотні людзей». Пуцін загадаў ФСБ зачысціць Мінабароны, каб пакараць за правалы ва Украіне

Беспрэцэдэнтная кампанія па арышце высокапастаўленых расійскіх генералаў, якую запусцілі сілавікі пасля адстаўкі кіраўніка Мінабароны Сяргея Шайгу, праходзіць са згоды Крамля. А яе найважнейшая прычына — гэта жаданне спецслужбаў сапхнуць на войска віну за няўдачы ва Украіне, а таксама атрымаць кантроль над вялізнымі бюджэтамі ваеннага ведамства, піша The Moscow Times са спасылкай на свае крыніцы.

Фота: Мінабароны РФ

«Ідзе жорсткая зачыстка. ФСБ зачышчае каманду Шайгу. Гэта чаканы працэс. Сілавікі атрымалі дазвол на самым версе [у кіраўніцтве краіны]», — сказала крыніца, блізкая да Крамля. 

«Да завяршэння чыстак яшчэ далёка. Нас чакаюць новыя арышты», — дадала яна. 

Супрацоўнікі спецслужбаў, адказныя за расследаванні карупцыі, зʼявіліся ў комплексе будынкаў Міністэрства абароны на Фрунзенскай набярэжнай у Маскве яшчэ да таго, як стала вядома аб арышце намесніка міністра Цімура Іванова, аднаго з найбліжэйшых і даўніх паплечнікаў Шайгу. Па словах крыніцы, блізкай да Мінабароны, гэта адбылося ў канцы красавіка, гэта значыць, калі Шайгу яшчэ заставаўся міністрам, але ўжо губляў уплыў. 

«Цяпер там [у будынку Мінабароны] больш чэкістаў, чым вайскоўцаў, мне здаецца», — кажа суразмоўца The Moscow Times. 

За два тыдні пасля звальнення Шайгу па крымінальных справах, звязаных з карупцыяй, былі арыштаваныя ўжо чатыры высокапастаўленыя генералы расійскага войска. Увечары ў чацвер Следчы камітэт паведаміў аб пятым арыштаваным афіцэру. 

Размова можа патэнцыйна ісці аб адной з «самых маштабных чыстак» у сучаснай расійскай гісторыі, і працэс толькі набірае абароты, сказаў The Moscow Times чыноўнік расійскага ўрада. 

«Я думаю, да канца года агулам па ўсіх падраздзяленнях Мінабароны будуць арыштаваны сотні людзей», — дадаў ён. 

Па словах іншага чыноўніка кабміна, матэрыялаў аб карупцыйных схемах у Мінабароны заўсёды «была куча», і заводзіліся крымінальныя справы. «Але пакуль Шайгу быў міністрам і меў вялікі уплыў, следчым не дазвалялі даваць ім ход», — распавядае суразмоўца The Moscow Times. 

Кампанія, на якую ФСБ атрымала дазвол у Крамлі, паказвае, што ва ўмовах ваеннага часу ў супрацьстаянні дзвюх вядучых у Расіі сілавых структур — арміі і ФСБ — перамогу атрымліваюць спецслужбы, лічыць крыніца, блізкая да Крамля. 

«У правале ўварвання вінаваты мусіць быць нехта адзін. Гэта ці спецслужбы, якія займаліся разведкай і аналітычнай падрыхтоўкай вайны і абяцалі Пуціну трыумфальную аперацыю і хуткую перамогу. Але праваліліся. Альбо «другое войска свету» пад кіраўніцтвам Шайгу, якое павінна было забяспечыць Пуціну перамогу. Але аказалася папяровым тыграм і пацярпела катастрофу», — тлумачыць суразмоўца The Moscow Times.

Па выніках перастановак, якія пасля інаўгурацыі на пяты тэрмін зладзіў Пуцін, пасады пазбавіўся не толькі Шайгу, але і каардынатар спецслужбаў, сакратар Савета бяспекі Мікалай Патрушаў. Тым не менш, ФСБ усё ж атрымлівае перамогу ў гэтым супрацьстаянні: яна можа атрымаць заахвочванне і ўзнагароды за «барацьбу з карупцыяй» у вышэйшых эшалонах улады. 

«Задача-максімум — паставіць сваіх людзей і кантраляваць самае смачнае, тыя напрамкі, дзе ёсць вялікія бюджэты, — тлумачыць чыноўнік урада. — Ці вы сурʼёзна лічыце, што нехта з іх у гэты момант думае пра спецаперацыю?» 

23 мая стала вядома, што вайсковы суд у Маскве арыштаваў на два месяцы начальніка Галоўнага ўпраўлення сувязі Узброеных сіл Расіі — намесніка начальніка Генштаба генерал-лейтэнанта Вадзіма Шамарына. СК абвінавачвае яго ў атрыманні хабару ў памеры 36 мільёнаў рублёў. 

У сярэдзіне мая быў узяты пад варту начальнік Галоўнага ўпраўлення кадраў Мінабароны Юрый Кузняцоў па падазрэнні ў атрыманні хабару ў памеры 30,5 млн руб. 

А ў канцы красавіка, незадоўга да сыходу Шайгу з пасады міністра абароны, па такім жа артыкуле быў арыштаваны і адпраўлены ў СІЗА намеснік міністра абароны Цімур Іваноў. Яго абвінавачваюць у атрыманні хабару ў памеры 1,185 млрд руб. 

Акрамя таго, былі арыштаваны былы камандуючы 58-й арміяй Паўднёвай ваеннай акругі генерал Іван Папоў (яго абвінавачваюць у махлярстве) і кіраўнік дэпартамента па забеспячэнні дзяржзаказу Мінабароны Уладзімір Верцялецкі.

Чытайце таксама:

Шольц: Расія на вайне ва Украіне губляе 24 тысяч чалавек у месяц

Макрон заклікаў працягваць падтрымліваць Украіну: Мір — гэта не капітуляцыя

Пад Харкавам загінуў былы спецназавец з Ліды, які ваяваў на баку Расіі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
22
Панылы сорам
1
Ха-ха
35
Ого
3
Сумна
2
Абуральна
9
0
хрюкайце гойда/адказаць/
27.05.2024
Хутка рабсіяне зноў будуць пісаць чалабітныя свайму цару: “товарішч пуцін, проізошла чудовішная ошібка”. Ну або ім трэба ісці на крэмль і маскву па прыкладу прыгожына. Але штосьці мне падказвае, што рабсіяне абяруць першы варыянт.
0
почти/адказаць/
27.05.2024
gust,верно всё, но, только на половину. путин на растяжке. Окопные полковники, майоры, генералы приходят к тем же выводам, что и Пригожин, и очень близки к началу таких же действии. Под прикрытием чистки казнокрадов, рубят головы тем, кто может пойти маршем на Москву. ФСБ и путин очень этого боятся. путину необходимы успехи РФ в захватнической войне и одновременно необходимо себя обезопасить от маршей на Москву. Назначение гражданских счетводов в командование МО РФ и подчинение гражданским счетоводам боевых генералов, полковников, майоров необходимо, в первую очередь для того, чтобы ФСБ и путин спали спокойно. Их устроит и вариант увязывания в Украине, без каких либо побед, но без маршей на Москву.
0
ВІТАЎТ/адказаць/
30.05.2024
А як жаж. Пуціну абавязкава трэба знайці некага, аднаго ці групу, і караць яго ці усіх за правал вайны супраць Украіны. Не важна што не вінаваты(я), усяроўна караць.
Гэта па пляне, пуцін сябе ня можа караць.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930