Знайсці
25.05.2024 / 20:291ŁacБел

Галацкую вежу адкрылі ў Стамбуле пасля рэстаўрацыі

Адзін з найвядомых сімвалаў горада сёння адкрылі для наведвальнікаў пасля аднаўлення знешняга фасада і шпіля.

Галацкая вежа. Фота: Wikimedia Commons

Пра гэта інфармуе «Звязда» са спасылкай на міністэрства турызму Турцыі.

Вежа вышынёй 67 м знаходзіцца ў аднайменным раёне турэцкага мегаполіса. Яе поўнасцю закрылі для наведвання ў лютым, а ў сувязі з рэстаўрацыяй шпіля з лістапада 2023 года — восьмы паверх. Таксама праводзіліся работы па ўмацаванні яе сейсматрываласці.

Рэстаўратары ўлічылі многія нюансы. Напрыклад, на вежы захавалі каля 400 гнёздаў пералётных птушак. «Рэстаўрацыйныя работы былі арганізаваны такім чынам, каб абараніць нашу культурную спадчыну, гнёзды стрыжоў і прымаць наведвальнікаў. У іх удзельнічалі прафесійныя альпіністы. Галацкая вежа з 25 мая зноў адкрываецца для наведвальнікаў, за гадзіну ў яе кантралявана будуць дапускацца максімум 100 чалавек», — падкрэслілі ў ведамстве.

Да гэтага капрамонт вежы, збудаванай у 1349 годзе і названай Хрыстовай, праводзілі ў 1964-1967 гадах.

Як адзначылі ў мэрыі Стамбула, у 2022 годзе гэты аб’ект наведалі звыш 1,2 млн. чалавек.

Чытайце таксама:

Адзіную славутасць Клімавічаў фактычна знеслі ФОТА

Рэстаўратарскі цуд адбыўся ў Стоўбцах ФОТА

Падчас рэстаўрацыі старажытнай царквы ў Полацку знайшлі сенсацыйнае графіці

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
0
Ха-ха
0
Ого
0
Сумна
0
Абуральна
0
2
Мы, літвіны, выратавалі Эўропу ад навалы татар. /адказаць/
25.05.2024
Канстантынопаль наш! Η Κωνσταντινούπολη είναι δική μας!
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930