Знайсці
22.05.2024 / 11:543РусŁacБел

У Расіі абвяргаюць жаданне змяніць мяжу з Літвой і Фінляндыяй у Балтыйскім моры

У Расіі не было і няма намераў па пераглядзе на Балтыцы лініі дзяржмяжы, пішуць ТАСС і «РИА Новости» са спасылкай на неназваную вайскова-дыпламатычную крыніцу.

Фота: vecteezy.com

«Ніякіх намераў па пераглядзе на Балтыцы шырыні тэрытарыяльных вод, эканамічнай зоны, кантынентальнага шэльфа ля мацерыковага ўзбярэжжа і лініі дзяржаўнай мяжы Расійскай Федэрацыі не было і няма»,— сказала ананімная крыніца журналістам.

Учора стала вядома, што Расія апублікавала праект па змяненні мяжы з Літвой і Фінляндыяй у Балтыйскім моры ў аднабаковым парадку.

З праекта вынікае, што Расія збіраецца абвясціць сваімі ўнутранымі марскімі водамі частку акваторыі на ўсходзе Фінскага заліва, а таксама побач з гарадамі Балтыйск і Зеленаградск у Калінінградскай вобласці. Плануецца змяніць геаграфічныя каардынаты пунктаў, якія вызначаюць становішча зыходных ліній, ад якіх адмераецца шырыня тэрытарыяльнага мора Расіі, прылеглай зоны ўзбярэжжа і выспаў.

Аўтары законапраекта заявілі, што цяперашнія каардынаты ўстаноўленыя пастановай Саўміна СССР ад 1985 года і «не ў поўнай меры адпавядаюць сучаснай геаграфічнай абстаноўцы», бо былі зафіксаваныя «па марскіх навігацыйных картах дробнага маштабу», заснаваных «на працах сярэдзіны XX стагоддзя».

МЗС Літвы назвала ініцыятыву Расіі наконт змены марской мяжы ў Балтыйскім моры правакацыяй. 

Чытайце таксама:

Літва збіраецца не толькі цалкам забяспечыць сябе электрычнасцю, але і стаць буйным экспарцёрам электраэнергіі

Забаранілі ўвозіць у Беларусь шмат тавараў з Польшчы, Чэхіі і краін Балтыі

Лукашэнка і прапаганда хваляцца тым, як за 30 гадоў палепшала жыццё ў Беларусі. Але ці сапраўды ёсць чым ганарыцца?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
0
Ха-ха
6
Ого
3
Сумна
0
Абуральна
0
22.05.2024
Ага, і 24 лютага 2022 года яны проста палі "прэвінтыўную абарону ад "УкрАіны"
1
История/адказаць/
22.05.2024
Если кремль говорит, что не будет войны. Значит война будет. Если кремль заявляет, что цель не оккупация территорий, значит ждите оккупацию, обстрелы и тд.
1
Карпенкоў/адказаць/
22.05.2024
Верить рюзским - себя не уважать
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930