На мяжы з Літвой затрымалі беларуса з дронам. У яго канфіскуюць і дрон, і машыну, на якой прыехаў
У Воранаўскім раёне лідскія пагранічнікі затрымалі грамадзяніна Беларусі, у аўтамабілі якога знайшлі беспілотнік.
Ілюстрацыйнае фота
Як паведамляе Дзяржпагранкамітэт, інцыдэнт адбыўся 19 мая. За 10 км ад беларуска-літоўскай мяжы ў Воранаўскім раёне лідскія памежнікі спынілі аўтамабіль. Пры яго аглядзе знайшлі беспілотнік з двума прыстасаваннямі для яго запуску, ноўтбук, антэну, тры акумулятары для беспілотніка, а таксама «таварна-матэрыяльныя каштоўнасці» — найхутчэй, гаворка ідзе пра цыгарэты, якія беларус збіраўся перакідваць у Літву.
На парушальніка склалі адміністрацыйны пратакол. Паводле артыкула 15.1 КаАП, у яго канфіскуюць аўтамабіль — бо на ім перамяшчаліся незаконныя тавары.
Нагадаем, з 1 красавіка 2024 года выкарыстанне дронаў на тэрыторыі Беларусі забаронена без спецыяльнага дазволу.
Чытайце таксама:
Гродзенцаў жорстка затрымалі за запуск дрона на мяжы
У Воранаўскім раёне памежнікі затрымалі беларусаў з беспілотнікам
Кантрабандны тытунь спрабавалі пераправіць з Беларусі ў Літву беспілотнікам
СМІ: Лятальным апаратам, што парушыў мяжу Беларусі, мог быць беспілотнік кантрабандыстаў
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)