Знайсці
18.05.2024 / 15:161ŁacБел

Выдаленне зуба — 10 хвілін і 5 мл антысептыку. Мінздароўя скарэктавала нормы па часе і матэрыялах у стаматалогіі

Улады працягваюць уплываць на цэны на платныя паслугі ў стаматалогіі.

З 1 ліпеня зменяцца нормы па часе і матэрыялах. Гэтыя захады павінны зрабіць паслугі зубных лекараў таннейшымі за сённяшнія расцэнкі. На адпаведная пастанову Міністэрства аховы здароўя звярнула ўвагу Радыё Свабода.

Пастанова аптымізавала 169 паслуг у стаматалогіі і актуалізавала нормы расходу матэрыялаў па 37 пазіцыях. Калі раней на агляд пацыента пры першасным звароце адводзілася 20 хвілін, то зараз будзе толькі 15. Час агляду пры паўторным звароце не змяніўся: на гэта па-ранейшаму закладваюць 10 хвілін.

Норму кансультацыі стаматолага з вучоным званнем скарацілі ўдвая: з 40 хвілін да 20.

Дакумент дакладна прапісвае, колькі матэрыялаў па норме належыць выкарыстоўваць і згодна з якім лекарскім рашэннем. Напрыклад, пры накладанні часовай пломбы мяркуецца, што медыкам спатрэбіцца два грамы ваты або два цэлюлозныя валікі і 0,3 грама пламбавальнага матэрыялу.

Мяркуецца, што на выдаленне аднакарэневага зуба абцугамі стаматолаг-хірург і медсястра трацяць 10 хвілін і 5 мл антысептыку.

Летась урад прыняў пастанову, якая тычылася артапедычных, зубатэхнічных, тэрапеўтычных, хірургічных і артадантычных паслуг у краіне. Планавалася, што выдаленне малочнага зуба ў сярэднім патаннее на 33%, а лячэнне сярэдняга карыесу — на 47%.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
3
Ха-ха
2
Ого
0
Сумна
0
Абуральна
7
0
Питон/адказаць/
18.05.2024
и в лечкомиссиях также?
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930