Парламент Грузіі канчаткова зацвердзіў закон аб «замежных агентах». Дэпутаты паспелі пабіцца
Супраць гэтага закона на пратэст выходзілі дзясяткі тысяч чалавек.
Бойка ў парламенце. Скрын відэа Georgian Public Broadcaster
Парламент Грузіі ў трэцім, фінальным чытанні зацвердзіў закон аб «замежных агентах» — законапраект «Аб празрыстасці замежнага ўплыву».
За зацвярджэнне скандальнай ініцыятывы «Грузінскай мары» прагаласавалі 84 дэпутаты — нягледзячы на пратэсты і крытыку міжнародных партнёраў Грузіі. 30 апазіцыянераў прагаласавалі супраць, піша «Эха Каўказа».
Падчас дэбатаў дэпутаты пачалі біцца.
Прэзідэнт Саломэ Зурабішвілі раней паабяцала, што накладзе вета на законапраект. Згодна з Канстытуцыяй Грузіі, прэзідэнт на працягу 10 дзён падпісвае і публікуе закон, альбо з матываванымі заўвагамі вяртае ў парламент. У «Грузінскай мары» ёсць дастаткова галасоў, каб пераадолець вета. Калі і пасля гэтага прэзідэнт не падпіша закон, яго падпісвае і публікуе старшыня парламента.
Чытайце таксама:
На пратэст у Тбілісі супраць «закона аб іншагентах» выйшла 200 тысяч чалавек
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)