Знайсці
15.04.2024 / 18:2125РусŁacБел

«Вушамі ў нас не кормяць». Бондарава цяпер ваюе з дзецьмі: пагражае ім прастралянымі каленямі і ГУБАЗіКам

Даносчыца збіраецца вылічваць экстрэмістаў сярод падлеткаў.

Фота: сацсеткі

Даносчыца Вольга Бондарава цяпер ваюе з дзецьмі ў інтэрнэце. Усё пачалося з таго, што па яе патрабаванні ў Мінску адмянілі канцэрты двух папулярных расійскіх выканаўцаў — рэпера MZLFF і спявачкі Алены Швец.

Бондарава напісала данос у Мінкульт, паколькі ёй не спадабаліся тэксты песень гэтых выканаўцаў. Там актывістка выявіла прапаганду ўсяго на свеце: самагубстваў, ЛГБТ, гвалту, алкаголю і наркотыкаў, нецэнзурнай лаянкі і дэвіянтных паводзін.

Па гэтай самай прычыне Бондарава спрабавала сарваць канцэрт яшчэ аднаго куміра падлеткаў GSPD. Выступленне, аднак, адбылося. Мінкульт, праўда, забракаваў некалькі песень, а на самім канцэрце нарад АМАПа сарваў традыцыйны для мерапрыемстваў GSPD слэм у фармаце «сценка на сценку». У Мінкульце заявілі, што канцэрт прайшоў на «недастаткова высокім узроўні». Пазней GSPD расказаў, што песні, на якія спасылалася Бондарава ў даносе, ён даўно не выконвае.

Пастфактум чыноўнікі паабяцалі Бондаравай, што ні GSPD, ні Швец, ні MZLFF выступаць у Беларусі не будуць. Актывістка вырашыла, што перамагла, але раптам адкрыўся другі фронт.

Незадаволеныя адменай канцэртаў падлеткі аб'ядналіся ў чаты, дзе пачалі пісаць пра Бондараву і яе калег-даносчыкаў усё, што думаюць. Каментары ўтрымлівалі, так бы мовіць, крайне негатыўную ацэнку дзейнасці актывісткі. Бондарава паскардзілася, што некаторыя нават пісалі ёй абразы ў асабістыя паведамленні.

Актывістка вырашыла напісаць на падлеткаў, якія яе пакрыўдзілі, даносы. Яна анансавала, што чаты дзяцей будуць прызнаныя экстрэмісцкімі, а ўсе каментатары будуць затрыманыя ГУБАЗіКам. Больш за тое, Бондарава паабяцала, што ў будучыні падлеткі змогуць уладкавацца на працу толькі дворнікамі або дастаўшчыкамі піцы, таму што яны атрымаюць «таўро экстрэмістаў».

Пасля пагроз Бондаравай падлеткі пачалі выдаляць чаты і чысціць каментары. Аднак актывістка працягнула пагрозы, нават выйшла на новы ўзровень — стала пагражаць дзецям прастралянымі каленамі. А яшчэ зрабіла адсылку да затрымання меркаванага тэрарыста ў Расіі, якому сілавікі адрэзалі вуха.

«Дзеткі спешна выдаляюць свае каменты з мацюкамі, каб не стаць фігурантамі цудоўных пакаянных відэа ад нашага ГУБАЗа.

Дзеці, супакойцеся: не станеце, калі ў вашых дзеяннях не знойдуць складу злачынстваў, прадугледжаных экстрэмісцкімі артыкуламі. Калі знойдуць — станеце абавязкова. У нас з гэтым сур'ёзна. Вушамі, вядома, не кормяць, але ногі, калі раптам што не так, прастрэльваюць», — напісала актывістка ў сваім тэлеграм-канале.

Па словах Бондаравай, тых, каго яна вырашыць не прыцягваць за «экстрэмізм» — актывістка, мабыць, прысвоіла сабе такое права — паставяць на ўлік у міліцыі. А бацькоў аштрафуюць. Бондарава заяўляе, што захавала ўсе каментары і паведамленні падлеткаў.

Чытайце таксама:

Бондараву ў час выбарчага пікета ў Мінску, калі яна спрабавала стаць дэпутатам, назвалі «российской мразью»

«Страшна тое, што яны робяць у рамках Саюзнай дзяржавы». Супраць Бондаравай і яе каманды выступіў нават Мукавозчык

Хто муж Вольгі Бондаравай? Выглядае, што працуе кіроўцам у Еўрасаюзе

Даносчыцы Бондаравай намалявалі на выбарах менш за 5%

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
11
Панылы сорам
24
Ха-ха
6
Ого
3
Сумна
1
Абуральна
93
16.04.2024
[Рэд. выдалена]
0
Mafkees 2 бондарева./адказаць/
16.04.2024
[Рэд. выдалена]
0
Ну шо/адказаць/
16.04.2024
Где там прыщавое мамкино недоразумение с названием максимка,нравится тебе эта гадючья тварь? С настоящей гестаповской душой? Детям колени простреливать.
Поклонник х***в
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера