Знайсці
03.04.2024 / 13:35РусŁacБел

Рэжысёра Андрэя Гнёта суд у Бялградзе пакінуў пад вартай да вынясення рашэння

Пазасудовая калегія ў сталіцы Сербіі разгледзела справу наконт экстрадыцыі беларускага рэжысёра Андрэя Гнёта ў Беларусь, пасяджэнні праходзілі 26 сакавіка і 1 красавіка.

На слуханнях з суддзёй па папярэднім разглядзе разглядаліся пытанні, звязаныя з экстрадыцыяй Андрэя Гнёта ў Беларусь. Па інфармацыі юрыстаў, якія ўдзельнічаюць у працэсе, Андрэй выступіў перад судом і прадставіў усе доказы, якія ён лічыць важнымі.

Зараз калегія з трох суддзяў Высокага суда Бялграда прымае рашэнне аб выкананні ўмоў для экстрадыцыі. Папярэдне, адвакаты чакаюць рашэння чакаюць цягам месяца. Андрэй Гнёт па-ранейшаму застаецца пад вартай, піша Deutsche Welle.

Андрэй Гнёт — беларускі журналіст, рэжысёр, сузаснавальнік «Свабоднага аб'яднання спартсменаў SOS BY», прызнанага ў Беларусі «экстрэмісцкім фармаваннем». Гнёта затрымалі ў кастрычніку 2023 года ў Сербіі па запыце беларускіх уладаў, якія абвясцілі яго ў вышук праз Інтэрпал у сувязі са справай аб падатках. Абарона настойвае, што пераслед палітычна матываваны, а на радзіме яго могуць чакаць катаванні.

У снежні 2023 года суд першай інстанцыі ўхваліў дэпартацыю Гнёта ў Беларусь, але ў сакавіку 2024 года Вышэйшы суд (апеляцыйны) адмяніў рашэнне і адправіў справу на перагляд.

Чытайце таксама:

Сербскі суд пачаў разгляд справы аб экстрадыцыі беларускага кінарэжысёра

Апеляцыйны суд у Сербіі адмяніў рашэнне аб экстрадыцыі рэжысёра Андрэя Гнёта. Але расслабляцца рана

Інтэрпал заблакаваў доступ да звестак беларускага рэжысёра, якога хочуць экстрадаваць ў Беларусь з Сербіі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
1
Ха-ха
0
Ого
0
Сумна
0
Абуральна
0
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930