Знайсці
02.04.2024 / 21:331РусŁacБел

Пальчык супраць Пальчыка. Настаўніка фізкультуры асудзілі за «абразлівы» каментар

Стала вядома, што ў судзе Маскоўскага раёна Мінска 15 сакавіка 2024 года паводле арт. 369 (абраза прадстаўніка ўлады) асудзілі настаўніка фізкультуры школы ў Крупках Яўгена Пальчыка, піша «Вясна».

Суд Маскоўскага раёна Мінска. Ілюстрацыйнае фота.

Суддзя Наталля Варакса пастанавіла асудзіць мужчыну на паўтара года абмежавання волі без накіравання ў ПУАТ («хатняй хіміі»).

Акрамя таго, Яўген Пальчык мусіць выплаціць штраф у памеры 100 базавых велічынь (4000 рублёў). Таксама мужчыну абавязалі кампенсаваць маральную шкоду пацярпеламу ў памеры 1000 рублёў і дзяржпошліну — 120 рублёў. Урэшце, у яго прымусова забралі тэлефон, які нібыта з'яўляецца рэчавым доказам «злачынства».

Да суда Яўген знаходзіўся пад вартай: яго вызвалілі пасля абвяшчэння прысуду.

Мужчыну прызналі вінаватым у тым, што ён пакінуў каментар у Telegram, які нібыта ўтрымліваў «негатыўную ацэнку прадстаўніка ўлады» — былога начальніка папраўчай калоніі №1 у Наваполацку Андрэя Пальчыка.

Яўген Пальчык прызнаў сваю віну. Ён расказаў, што знаходзіўся дома, калі размясціў пад фотаздымкам Андрэя Пальчыка зневажальны каментар. Мужчына патлумачыў, што пакінуў каментар, бо пад фота было напісана, што былы начальнік калоніі злоўжывае паўнамоцтвамі. Аднак пасля ён сказаў, што запісаў відэазварот, у якім выбачыўся перад «пацярпелым».

Чытайце таксама:

Удзельніку пратэстаў у Баранавічах далі 25 гадоў асобага рэжыму. Але ёсць нюанс

Сталі вядомыя прысуды 8 з 17 чалавек, якіх учора судзілі ў Баранавічах за пратэсты 2020 года

51-гадоваму айцішніку з Мінска пагражае да васьмі гадоў калоніі за данаты

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
2
Ха-ха
2
Ого
0
Сумна
0
Абуральна
12
1
пальчика на дыбу/адказаць/
03.04.2024
Нет никаких "оскорбительных" слов в отношении той {....}, которая руководила ИК-1.  Любое слово в его адрес будет всего лишь констатацией ФАКТА...
Это [....].
это я как лично с ним немного пообщавшийся говорю.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930