ЗША папрасілі Украіну спыніць атакі на расійскія НПЗ

ЗША папрасілі Украіну спыніць атакі на расійскія НПЗ, паведамляе Financial Times са спасылкай на крыніцы. Па словах суразмоўцаў выдання, Вашынгтон асцерагаецца, што ўдары беспілотнікаў па расійскіх НПЗ могуць прывесці да росту сусветных цэн на нафту, а таксама справакаваць меры ў адказ з боку Масквы.

Амерыканская адміністрацыя, піша FT, неаднаразова аб гэтым папярэджвала высокапастаўленых чыноўнікаў Службы бяспекі Украіны (СБУ) і Галоўнага ўпраўлення разведкі Мінабароны Украіны (ГУР). Абодва гэтыя падраздзяленні з пачатку поўнамаштабнай вайны ўвесь час пашыраюць уласныя праграмы беспілотнікаў для нанясення ўдараў па расійскіх цэлях на сушы, у моры і ў паветры, піша «Медуза».

Адна з крыніц выдання заявіла, што Белы дом усё больш расчароўваецца ў атаках украінскіх дронаў па нафтаперапрацоўчых заводах, тэрміналах, складах і сховішчах на захадзе Расіі.

Чытайце таксама:

Ноччу адбылася маштабная атака БПЛА на Расію. Гарэў чарговы НПЗ

Беспілотнікі атакавалі Энгельс Саратаўскай вобласці

«Расія — гэта бензакалонка з арміяй. І мы маем намер знішчыць гэтую бензакалонку»

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

3

22

8

1

1

45