Знайсці
28.02.2024 / 19:521РусŁacБел

Да гарадоў, дзе мясцовыя могілкі ператварыліся ў балота, далучыўся Рагачоў

Жыхарка Рагачова апублікавала «крык душы» ў мясцовым чаце «дыялогу з уладай». Яна расказала, што цяпер робіцца на дзейных гарадскіх могілках, якія абслугоўвае КЖЭУП «Рагачоў», заўважыў «Флагшток». 

Фота з чата «Народны кантроль Рагачова»

25 лютага жанчыне давялося хаваць на могілках бацьку.

«Сказаць, што мы былі ў шоку — гэта нічога не сказаць! Мала таго, што ўся дарога да месца новых пахаванняў — суцэльная мешаніна з гразі, дзе машына з цяжкасцю праязджае, дык яшчэ і месцы для магіл прапанаваныя ў такім месцы, што ў першыя хвіліны нават і не верыцца, што такое магчыма», — кажа жыхарка райцэнтра.

Яна апісвае ўбачанае так: «Вада, гліна, бруд, суседнія магілы з-за вады праселыя, некаторыя наогул пад вадой».

І працягвае дзяліцца ўражаннямі:

«Калі прывезлі нябожчыка на могілкі, катафалк нават не даехаў да магілы, і метраў з 200 прыйшлося несці труну на плячах над іншымі магіламі! Гэта нармальна?»

Жанчына паставіла перад адказнымі асобамі шэраг пытанняў:

  • Паклалі б вы свайго роднага чалавека на вечны спакой у яму з вадой, каб праз месяц гэтая магіла пайшла па ваду?
  • Па якіх крытэрыях або меркаваннях распрацоўваюць ўчасткі для пахаванняў? Не вывучаючы блізкасць грунтавых вод, не размаўляючы з работнікамі, якія капаюць магілы?
  • Калі будуць прыведзеныя ў парадак дарогі ў новай частцы могілак?

«І не трэба пісаць, што было шмат снегу, потым ён раставаў, потым дажджы і не прасохла зямля. Усё гэта адгаворкі. Узімку снег не чысціўся толкам, нават на цэнтральнай дарозе могілак. У сухую пару года дарога не раўняецца, ня падсыпаецца. У іншых гарадах цэнтральная дарога ў асфальце, а ў нас…», — падсумавала жыхарка Рагачова.

Фота з чата «Народны кантроль Рагачова»

Таксама яна задалася пытаннем, «ці будуць змены ў лепшы бок пры новых дэпутатах, ці апраўдаюць яны аказаны ім давер».

Адказаў чыноўнікаў на паведамленне жанчыны ў чаце райвыканкама не было.

Раней стала вядома пра праблемы з адвядзеннем вады на новых могілках у Баранавічах і Оршы.

Чытайце таксама:

У Оршы новыя могілкі ператварыліся ў суцэльную коўзанку ВІДЭА

«Разумным людзям павінна быць зразумела…» Мэр Баранавічаў пракаментаваў сітуацыю з плаваючымі могілкамі

Відэа з новых плаваючых могілак пад Баранавічамі ўзарвала тыкток

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
3
Ха-ха
0
Ого
1
Сумна
1
Абуральна
4
0
А вдоль дороги мёртвые с косами стоят. И тишина.../адказаць/
28.02.2024
Адказаў чыноўнікаў на паведамленне жанчыны ў чаце райвыканкама не было.

без каментароў
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930