Знайсці
28.02.2024 / 11:541РусŁacБел

Эксперт апісаў тры магчымыя сцэнары ўдзелу салдат НАТА ў вайне ва Украіне

Такія краіны, як Польшча, Літва, Латвія і Эстонія, не гатовыя непасрэдна ўдзельнічаць у ваенным канфлікце.

Фота: Getty Images

Праз два гады пасля пачатку расійскага ўварвання прэзідэнт Францыі Эмануэль Макрон дапусціў адпраўку сухапутных ваенных заходніх краін ва Украіну. Прэзідэнт Польшчы Анджэй Дуда дапоўніў яго словы: «Самая вострая дыскусія разгарнулася вакол пытання аб адпраўцы войскаў на Украіну, і тут таксама не было дасягнута ніякай згоды».

Пры гэтым канцлер ФРГ Олаф Шольц выключыў такі сцэнар, у Белым доме таксама сказалі, што не разглядаюць магчымасць адпраўкі кадравых вайскоўцаў ва Украіну. Тым не менш некаторыя краіны НАТА могуць дапусціць разгортванне сухапутных войскаў для абароны Украіны.

Старшы навуковы супрацоўнік Фінскага інстытута міжнародных адносін Эдвард Хантэр Крысці лічыць, што існуе тры варыянты такога развіцця падзей, піша Bild.

Па-першае, гэта «мяккае разгортванне», гэта значыць навучанне салдат НАТА для УСУ, па-другое, «сярэдні варыянт», які мае на ўвазе разгортванне «тылавых баяздольных сіл». І трэці — «жорсткі» — сцэнар прадугледжвае непасрэдны ўдзел заходніх вайскоўцаў у бітвах на лініі фронту.

Тым часам у Крамлі ўжо назвалі непазбежным прамы канфлікт паміж Расіяй і НАТА, калі ваенны альянс адправіць салдат ва Украіну.

Высокапастаўлены дыпламат адной з краін цэнтральнай Еўропы ў размове з Bild адзначае, што насамрэч такія краіны, як Польшча, Літва, Латвія і Эстонія, не гатовыя непасрэдна ўдзельнічаць у ваенным канфлікце.

«З якімі салдатамі і якой зброяй? Ніводная са згаданых вамі краін не будзе пасылаць войскі ва Украіну, пакуль там ідзе вайна», — сказаў ён.

Чытайце таксама:

Чаму Макрон раптам загаварыў пра магчымы ўвод заходніх войскаў ва Украіну

Столтэнберг абвергнуў адпраўку войскаў НАТА ва Украіну

Макрон не выключыў магчымасці адправіць войскі заходніх краін ва Украіну

Некаторыя краіны ЕС і НАТА разглядаюць магчымасць накіраваць сваіх салдат ва Украіну — прэм'ер Славакіі

Лінкявічус: Калі Расія адважыцца кінуць выклік НАТА, Калінінград будзе нейтралізаваны першым

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
1
Ха-ха
0
Ого
2
Сумна
0
Абуральна
0
28.02.2024
вось дык расклад ад "эксперта", такія варыянты і я магу с канапы намаляваць...
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера