Знайсці
23.02.2024 / 16:575РусŁacБел

Байдэн афіцыйна заявіў пра 500 новых санкцыйных абмежаванняў супраць Расіі 

Прэзідэнт ЗША Джо Байдэн абвясціў, што ягоная краіна ўводзіць 500 новых санкцыйных абмежаванняў супраць Расіі за вайну і смерць у турме Аляксея Навальнага. Абмежаванні будуць накіраваныя на расійскі фінансавы сектар, абаронна-прамысловы комплекс, удзельнікаў сеткі закупак, якія ўхіляюцца ад санкцый, а таксама на адказных за турэмнае зняволенне Навальнага, паведамляецца ў прэс-рэлізе Белага дома.

Джо Байдэн. Фота: Evan Vucci / AP

Новыя экспартныя санкцыі таксама ўвядуць у дачыненні да амаль 100 арганізацый, якія падтрымліваюць «расійскую вайсковую машыну». Белы дом таксама заявіў, што прымае меры па далейшым скарачэнні энергетычных даходаў Расіі.

У Белым доме лічаць, што санкцыі «гарантуюць, што Пуцін заплаціць яшчэ больш высокую цану за сваю агрэсію за мяжой і рэпрэсіі ўнутры краіны».

У сваёй заяве Байдэн назваў Аляксея Навальнага «мужным змагаром супраць карупцыі» і «непрымірымым лідарам апазіцыі Пуціну». «Гэтыя санкцыі будуць накіраваныя супраць асоб, звязаных са знаходжаннем Навальнага ў турме, а таксама супраць фінансавага сектара, абароннай прамысловасці, сістэмы забеспячэння, а таксама асоб, […] якія дапамагаюць пазбягаць санкцый», — падкрэсліў амерыканскі прэзідэнт.

Падрабязны спіс абмежавальных мер пакуль не апублікаваны.

Акрамя таго, Байдэн выступіў з заклікам да амерыканскіх парламентарыяў аказаць падтрымку Украіне.

«Гісторыя глядзіць на нас, — сказаў ён. — Няздольнасць падтрымаць Украіну ў гэты крытычны момант не будзе забытая. Прыйшоў час стаць у адзін шэраг з Украінай, нашымі саюзнікамі і партнёрамі».

Чытайце таксама:

Рада ЕС зацвердзіла 13-ты пакет санкцый супраць пуцінскага рэжыму

Вялікабрытанія ўвяла санкцыі супраць двух беларускіх прадпрыемстваў

Як беларусы дапамагалі аснашчаць расійскую вайсковую машыну заходнім абсталяваннем

Байдэн назваў Пуціна «звар'яцелым сукіным сынам»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
9
Панылы сорам
0
Ха-ха
3
Ого
0
Сумна
0
Абуральна
0
9
Из США/адказаць/
23.02.2024
Кто-бы в самой Америке с коррупцией боролся! Любого Навального быстро бы уконтрапупили.
4
Некоторый/адказаць/
23.02.2024
Сказал бы 1000 и одна…. Какая разница?
1
American /адказаць/
23.02.2024
Няздольнасць падтрымаць Украіну ў гэты крытычны момант не будзе забытая
Чего ты боишься? Поддержи, у тебя все для этото есть и никакой Конгресс тебе не нужен..

Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера