Знайсці
21.02.2024 / 08:385РусŁacБел

«Спытайце нарэшце, што яны хочуць за нашых людзей!» Гарбунова заклікала міжнародную супольнасць накіраваць экспертаў у калоніі

Прадстаўніца Аб’яднанага пераходнага кабінету ў сацыяльнай палітыцы Вольга Гарбунова, каментуючы смерць палітвязня Ігара Ледніка, заявіла пра неабходнасць умяшальніцтва міжнароднай супольнасці.

«Мы б’ем ва ўсе званы! Людзі паміраюць! Пятая нам вядомая смерць.

Чаму вы яшчэ не наведалі турмы рэжыму? Чаму яшчэ не накіравалі ў Беларусь экспертныя камісіі? Ці знойдзецца хтосьці сумленны і смелы, хто возьме трубку і пачне гэтую размову? Спытайце ў іх, нарэшце, што яны хочуць за нашых людзей, за палітзняволеных!» — напісала Вольга Гарбунова.

Яна звяртае ўвагу, што і дактары, і наглядчыкі, і пракуроры, і суддзі дакладна ведалі, што ён праз праблемы з сэрцам меў інваліднасць 2-й групы.

«Яны ведалі, што пасля перанесенай аперацыі на страўнікава-кішачным тракце палітвязень меў стому, да якой быў замацаваны адмысловы пакет. Яны ведалі. Але гэта не перашкодзіла ім спачатку змясціць ва ўмовы зняволення, а пасля і працяглы час утрымліваць у іх 63-гадовага мужчыну з цяжкімі захворваннямі. І за што ўтрымліваць! За нібыта паклёп у дачыненні да Лукашэнкі. Няўжо словы ‒ нават прамоўленыя ‒ могуць каштаваць чалавечага жыцця», — піша Гарбунова.

Яна звяртаецца да ўсіх датычных да зняволення Ледніка, як яна піша, — «турэмшчыкаў» рэжыму:

«Чым для вас быў небяспечны Ігар? Якую пагрозу для грамадства і вашай улады ён уяўляў? За што вы з яго здзекаваліся, не давалі нават нармальна прымаць душ? За што помсцілі? Не ўкладваецца ў галаве…».

Ігар Леднік стаў пятай вядомай ахвярай рэжыму Лукашэнкі ў зняволенні.

Чытайце таксама:

Што вядома пра памерлага палітвязня Ігара Ледніка

«Яны ваююць за сваё здароўе і сваё жыццё ў жахлівых умовах». Ціханоўская — пра смерць Ігара Ледніка

Былы палітвязень: Ігар Леднік казаў мне, што хутчэй за ўсё памрэ ў калоніі

Тры гады калоніі Ігару Ледніку прызначыла суддзя Таццяна Шоцік

У турме памёр палітвязень Ігар Леднік

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
4
Панылы сорам
2
Ха-ха
2
Ого
0
Сумна
18
Абуральна
4
21.02.2024
Ш, да, особенно когда до лампочки врачам, надзирателям, следователям, прокурорским, судьям, они отправляют на смерть невиновных по приказу лукашенкои его кодлы.
1
Зтвлрк/адказаць/
21.02.2024
Блин, Ольга, да откройте же вы глаза наконец! Какие экспертные миссии? Какие телефонные звонки? Кто их пустит к политзаключённым? Вы имеете дело не с чиновниками и государственными деятелями - вы имеете дело с убийцами, с двумя классами образования, захватившими власть, с наследниками сталинской культуры, которая вышла из террористических большевитских организаций. Вы бы ещё с путиным сейчас поговорили.
21.02.2024
Uzroveń uciamnaści spadaryni ŭražvaje. Ale jana nastojvaje - chaj sama pytajecca.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031