Знайсці
17.02.2024 / 20:091РусŁacБел

Польшча будзе мадэрнізаваць агароджу на мяжы з Беларуссю

Польшча прыняла рашэнне мадэрнізаваць агароджу, усталяваную на мяжы з Беларуссю, заявіў прэм'ер-міністр краіны Дональд Туск 16 лютага.

«Некалькі дзясяткаў гадзін таму разам з міністрам унутраных спраў і адміністрацыі мы прынялі рашэнне хутка мадэрнізаваць агароджу на мяжы з Беларуссю», — сказаў польскі прэм'ер.

Паводле яго слоў, ужо прадугледжана выдзяленне адпаведных сродкаў з польскгаа бюджэту.

Туск таксама паведаміў, што краіна будзе настойваць на выдзяленні з фондаў Еўрасаюза сродкаў для фінансавання польскіх рэгіёнаў, якія пацярпелі ад закрыцця межаў па прычыне барацьбы з нелегальнай міграцыяй.

Агароджы на мяжы з Беларуссю памежныя з ёй краіны Еўрасаюза пачалі будаваць падчас міграцыйнага крызісу восенню 2021 года. Даўжыня польскага плота складае 186 кіламетраў, вышыня — пяць метраў. Кошт праекта склаў каля 400 мільёнаў даляраў. Агароджа абсталяваная камерамі начнога бачання, датчыкамі руху і іншымі электроннымі сродкамі сачэння і сігналізацыі.

Тым не менш, практыка паказала, што ў агароджы ёсць слабыя месцы, і нелегальныя мігранты, часта пры дапамозе беларускіх памежнікаў, могуць, пашкодзіўшы яе, перабрацца на тэрыторыю Польшчы. Мадэрнізацыя агароджы будзе скіраваная на ліквідацыю гэтых недахопаў.

Чытайце таксама:

Латвія пабудуе на мяжы з Расіяй і Беларуссю паўнавартасную лінію абароны

Літва хоча адгарадзіцца ад Беларусі плотам нават на балотах

Польшча дабудавала электронны бар'ер на мяжы з Беларуссю

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
9
Панылы сорам
0
Ха-ха
1
Ого
0
Сумна
3
Абуральна
0
8
Свиння руска /адказаць/
17.02.2024
Туск делает вид что озабочен охраной границы. Смешно.   
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031