Знайсці
12.02.2024 / 19:01РусŁacБел

«Нясла вялікі бел-чырвона-белы сцяг». 2,5 года «хатняй хіміі» далі за ўдзел у акцыі пратэсту

У судзе Ленінскага раёна Мінска 17 студзеня 2024 года асудзілі Сняжану Марозаву паводле ч. 1 арт. 342 (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) Крымінальнага кодэкса. Суддзя Юлія Шчоткіна прызначыла Сняжане два гады і шэсць месяцаў абмежавання волі без накіравання ў папраўчую ўстанову адкрытага тыпу («хатняй хіміі»), піша «Вясна».

Здымак ілюстрацыйны. Фота: «Вясна»

Марозаву абвінавацілі ва ўдзеле ў пратэснай акцыі ў Мінску ў 2020 годзе і выхадзе на праезную частку.

Як паведамляецца ў судовай пастанове, жанчына «выкарыстоўвала ў якасці пратэснай сімволікі палотнішча бел-чырвона-белага колеру і выкрыквала лозунгі». Сняжана цалкам прызнала «віну» і паведаміла, што разам з іншымі пратэстоўцамі нясла вялікі бел-чырвона-белы сцяг.

Жанчыну апазналі па фотаздымку з інтэрнэта. Падчас ператрусу ў яе выявілі байку і джынсы, у якіх мінчанка была на пратэснай акцыі. Пасля абвяшчэння прысуду Сняжану вызвалілі ў зале суда.

Сняжана Марозава мае вышэйшую адукацыю і працуе прадаўцом-кансультантам у таварыстве з абмежаванай адказнасцю.

Чытайце таксама:

У Мінску заўзятара затрымалі за «пікетаванне» на выхадзе з хакейнага матчу

Стала вядома, як затрымлівалі магілёўскага журналіста Яўгена Глушкова

Маці экс-палітвязня, якая з’ехала ў Вільню, праз вайбер асудзілі за Едастаўку. Працэс быў незвычайным з усіх бакоў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера