Знайсці
12.02.2024 / 02:1617РусŁacБел

Бондарава спрабуе дабіцца, каб прыпынкі ў транспарце агучвалі па-руску. Яе паўсюль адфутболілі

Даносчыца Вольга Бондарава назвоньвала ў выканкамы з просьбай рабіць аб'явы ў аўтобусах і тралейбусах па-руску. Ёй даслалі адказы з розных рэгіёнаў — паўсюль адмова.

Скрын відэа

«Улічваючы, што часавы інтэрвал знаходжання транспартных сродкаў на прыпыначных пунктах нязначны (да 1 хвіліны), трансляцыя гукавой інфармацыі для пасажыраў на дзвюх мовах не ўяўляецца магчымай», — пішацца ў лісце ад Мінсктранса.

У адказе адзначаюць, што абвяшчэнне прыпынкаў па-беларуску не супярэчыць заканадаўству.

Такі ж адказ прыйшоў прарасійскай актывістцы і з Гомельскага аблвыканкама.

Адказы з Мінсктранса і Гомельскага аблвыканкама. Фота: тэлеграм-канал Бондаравай

Адмова прыйшла і з Брэсцкага аблвыканкама. Па-беларуску інфармуюць у грамадскім транспарце Брэста, Століна, Пінска, Лунінца, Баранавіч.

«У адпаведнасці з законам дзяржавай вызначана права выбару мовы, інфармацыя ў грамадскім транспарце транслюецца ў абодвух выпадках без парушэння норм дзейнага заканадаўства на адной з дзяржаўных моў», — адпісалі на скаргу Бондаравай.

Адмова прыйшла таксама з Віцебска.

«Адначасовае агучванне назваў прыпыначных пунктаў на дзвюх дзяржаўных мовах у цяперашні час тэхнічна не ажыццявіма праз абмежаваны аб'ём памяці носьбітаў транспартных інфарматараў»,

— пішацца ў адказе камітэта па архітэктуры і будаўніцтве Віцебскага аблвыканкама.

Гродзенскі аблвыканкам адпісаў: закон не парушаем.

«Спецыяльная інфармацыя для пасажыраў аб'яўляецца на беларускай мове, сацыяльная рэклама — на рускай мове. У агульным аб'ёме гукавой інфармацыі суадносіны гучання на абедзвюх мовах аднолькавыя. Скаргаў і прэтэнзій з боку пасажыраў з гэтай нагоды не паступала»,

— сказана ў лісце ад камітэта па архітэктуры і будаўніцтве аблвыканкама.

Бондарава, чакана, у шаленстве: дыскрымінуюць рускую мову!

«Адгаворкі, чаму не даецца абвяшчэнне прыпынкаў на абедзвюх дзяржаўных мовах, прыводзяцца розныя, аж да абсурднага «мала памяці на флэшцы». Але прычына бачыцца адной: ліквідацыя дзяржаўнай рускай мовы. У некаторых выпадках — з падменай яе ангельскай (мінскае метро)», — абурылася яна ў сваім тэлеграм-канале.

Чытайце таксама:

Бондарава непераканаўча апраўдваецца за тое, чаму 17 гадоў не працавала

«Замах на маю сям'ю!» Ідэолаг з «Белай Русі» просіць абараніць яе ад Бондаравай

41-гадовая даносчыца Бондарава расказала пра свой легальны вопыт працы — агулам два гады за жыццё

«Баюся, што яны гатовыя на ўсё». Бондарава расказала, як ёй цяжка жывецца на белым свеце

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
15
Панылы сорам
12
Ха-ха
82
Ого
4
Сумна
6
Абуральна
18
0
Кирилл/адказаць/
12.02.2024
Як у нашым у калхозе,
 Сядзить сучка на парозе,
Яна брэша цэлый дзень
Зарабляе трудадзень.
0
гоблен/адказаць/
12.02.2024
Инфоказа потеряла фарт. У слова фарт забавное значение, кста! Юморист был совеццкий писатель Носов, у него в "Незнайка на Луне" там ходили фартинги :))) только щас понял! В качалке, Карл! :)) в ванную комнату приспичило ибо :)))
1
гоблен/адказаць/
12.02.2024
Л, а штурмовикам революции только бы вопрос решить какой! Русский-еврейский, как попрёт! :)
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера