Знайсці
08.02.2024 / 08:132РусŁacБел

У Багдадзе ўдарам з дрона забілі лідара групоўкі «Катаіб Хезбала»

Абу Бакір аль-Саадзі з двума ахоўнікамі знаходзіўся ў машыне, якая патрапіла пад удар амерыканскага беспілотніка. Усе трое загінулі.

Фота: Hadi Mizban / AP

У Пентагоне заявілі, што Абу Бакр аль-Саадзі нясе адказнасць за арганізацыю нападаў на амерыканскіх вайскоўцаў у рэгіёне, піша Бі-бі-сі.

ЗША абвінавачваюць іракскую групоўку «Катаіб Хезбала», якую яны лічаць тэрарыстычнай, у нападзе на амерыканскую базу ў Іарданіі, у выніку якога ў студзені загінулі тры амерыканскія вайскоўцы.

Заснаваная пасля ўварвання ЗША ў Ірак ваенізаваная шыіцкая «Катаіб Хезбала» з'яўляецца адной з ключавых сярод тых блізкіх да Ірана груповак, якія ў апошнія месяцы абстрэльвалі амерыканскія базы ў рэгіёне.

Па заяве ЗША, «Катаіб Хезбала» цесна звязана з іранскім Корпусам вартавых Ісламскай рэвалюцыі (КВІР) і неаднаразова атрымлівала дапамогу і падтрымку Ірана, якую выкарыстоўвала для нападаў на кааліцыйныя сілы.

У студзені, пасля нападу на амерыканскую базу ў Іарданіі «Катаіб Хезбала» заявіла, што прыпыняе напады на амерыканскія войскі, каб не ставіць у няёмкае становішча іракскія ўлады.

Тым не менш амерыканцы зладзілі гэты замах у сераду ўвечары ў багдадскім раёне Маштал. Гэта быў дакладны ўдар па машыне, якая рухалася на ажыўленай вуліцы.

Цэнтральнае камандаванне ЗША заявіла, што атака была праведзена ў 21:30 па мясцовым часе, у выніку быў забіты «камандуючы, адказны за непасрэднае планаванне і ўдзел у нападах на сілы ЗША ў рэгіёне».

«На гэты момант няма ніякіх прыкмет спадарожнага шкоды або ахвяр сярод цывільнага насельніцтва», — гаворыцца ў заяве Цэнткама.

Калі на месца здарэння прыбыла каманда Бі-бі -сі, там ужо сабраліся натоўпы пратэстоўцаў, якія скандавалі: «Амерыка — самы вялікі д'ябал».

Чытайце таксама:

ЗША нанеслі першыя ўдары па аб'ектах Ірана ў Іраку і Сірыі. Абяцаюць працягнуць

Вярхоўны лідар Ірана аддаў загад пазбягаць прамога канфлікту з ЗША

Іран ударыў уначы па вайсковых аб'ектах і консульстве ЗША ў Іраку

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
11
Панылы сорам
0
Ха-ха
1
Ого
0
Сумна
0
Абуральна
3
08.02.2024
Все правильно сделали.. жаль что это делают так редко.
С их возможностями за -год-два давно могли бы всю эту шваль утилизировать,
а гоблины-рядовые сами как стадо баранов потихоньку разбредутся по аулам...
кто же там без финансов будет алахакбар орать?
08.02.2024
Филигранная работа. Можно масштабировать на лидера местной хунты и ее кремлевского спонсора.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031