Знайсці
06.02.2024 / 17:251РусŁacБел

У Гродне судзяць былога дырэктара кампаніі «Агат — сістэмы кіравання»

У Гродзенскім абласным судзе за хабар судзяць Мікалая Васільевіча Балігатава, заўважыла Hrodna.life. Чалавек з такімі данымі — былы дырэктар ААТ «Агат — сістэмы кіравання», кіраўнічай кампаніі холдынгу «Геаінфармацыйныя сістэмы кіравання».

Прадпрыемства, якое ўзначальваў Балігатаў, займаецца пераважна комплексамі кіравання агнём. Пасяджэнне пройдзе 12 лютага ў Гродзенскім абласным судзе.

Мікалая Балігатава судзяць па арт. 430 ч. 1 КК «Атрыманне хабару» і арт.424 ч. 3 КК «Злоўжыванне ўладай або службовымі паўнамоцтвамі». Суддзёй на працэсе над ім будзе Аляксандр Козел.

Мікалай Балігатаў быў затрыманы ў красавіку 2023 года, да таго ён узначальваў прадпрыемства ўсяго 9 месяцаў.

Папярэдняга дырэктара, генерала Генадзя Казакова, арыштавалі ў канцы красавіка 2022-га і ў выніку асудзілі да 7 год калоніі ўзмоцненага рэжыму па ч. 3 арт. 430 — хабарніцтва ў асабліва буйным памеры.

На змену яму ў ліпені таго ж года прыйшоў Мікалай Балігатаў, які да таго ўзначальваў адно з прадпрыемстваў холдынга — «Агат — электрамеханічны завод». 

«Агат» — адно з цэнтральных прадпрыемстваў беларускай абаронкі, якое займаецца пераважна комплексамі кіравання агнём. 

Чытайце таксама:

Затрыманы другі запар кіраўнік «Агата» — прадпрыемства, якое дапамагае рускім забіваць украінцаў

Як патраціць 2 мільёны дзяржаўных рублёў, каб нічога не было

Як «АГАТ» аблажаўся з канструкцыяй беларускага «Байрактара»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
0
Ха-ха
7
Ого
1
Сумна
1
Абуральна
0
0
Прывітанне самаму чэснаму блогеру Вірусу/адказаць/
06.02.2024
О, прадпрыемства вайскова-прамысловага комплексу Агат, на якім працаваў бацька - афіцэр міністэрства абароны РБ - аднаго блогера з ютубу. Па прозвішчы Віталь Кандраценка (нікі Вірус, Фенікс).
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031