Знайсці
01.02.2024 / 18:3511РусŁacБел

«Калі такіх людзей будуць сотні і тысячы, мы сутыкнемся з сур'ёзнай пагрозай». Кейс былога міліцыянта Маціевіча ўзрушыў літоўскіх палітыкаў

Літоўскія палітыкі і чыноўнікі пасля з'яўлення інфармацыі, што ў Літве паўтара года жыў і працаваў былы маёр беларускай міліцыі, які ўдзельнічаў у задушэнні пратэстаў 2020 года, загаварылі пра неабходнасць удасканалення працэсу праверкі беларусаў, якія ўязджаюць у Літву, піша Delfi.lt. Па гэтым пытанні ёсць згода паміж уладамі і апазіцыяй.

Віцэ-спікер Сейма, прадстаўнік кіроўнай кааліцыі Паўлюс Саўдаргас адзначыў, што наяўнага цяпер парадку праверкі недастаткова. Дэпутатка ад апазіцыйных сацыял-дэмакратаў Давіле Шакалене таксама адзначае, што важна пашырыць магчымасці ўстаноў, якія ў Літве правяраюць іншаземцаў.

«Мы марудзім з наданнем нашым разведчыкам паўнамоцтваў, якія ёсць у іх калег з іншых краін НАТА. (…) Трэба гаварыць і пра фінансаванне», — сказала дэпутатка.

На думку Паўлюса Саўдаргаса, некантраляваны ўезд беларусаў у краіну можа стаць пагрозай літоўскай нацбяспецы.

«Беларуссю кіруе дыктатар, гэта дзяржава нафаршыраваная спецслужбамі, там для гэтага задзейнічана шмат магутнасцяў — каб расцягнуць сетку беларускіх агентаў у Літве. (…) У нас могуць быць такія агенты, і іх няпроста будзе выявіць Дэпартаменту міграцыі і нашай выведцы», — сказаў дэпутат.

«Калі з'ява будзе масавай — калі такіх людзей будуць сотні і тысячы, то наступіць дзень X, калі мы сутыкнемся з сур'ёзнай пагрозай нацбяспецы», — заўважыў Саўдаргас.

1 лютага 2024 года Дэпартамент міграцыі паведаміў, што прынята рашэнне аб пазбаўленні грамадзяніна Беларусі Аляксандра Маціевіча часовага дазволу на жыхарства ў Літве, паколькі ён не задавальняе ўмовам, якія дзейнічаюць у дачыненні да асоб, якім выдаюць такі дакумент.

Калі высветліцца, што Маціевіч уяўляе пагрозу бяспецы краіны, то будзе прынята пастанова забараніць яму ўезд у Літву.

Паводле інфармацыі МУС Літвы, першы раз Маціевіч прыехаў у Літву з Польшчы, у яго была нацыянальная віза іншай краіны Еўрасаюза. У лістападзе 2022 года, калі яму выдалі дазвол на жыхарства, не было звестак пра тое, што ён можа ўяўляць пагрозу нацыянальнай бяспецы Літвы. 

Чытайце таксама:

Маёр міліцыі, які ўдзельнічаў у рэпрэсіях у 2020 годзе, больш за год жыў і працаваў у Літве. Яго выкрыла дыяспара

У Баранавічах нечакана адмянілі аўтобусы на Вільню

Урад Літвы ўхваліў прапанову аб стражэйшым кантролі беларусаў на мяжы

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
31
Панылы сорам
2
Ха-ха
11
Ого
5
Сумна
3
Абуральна
3
02.02.2024
Меньше "литвинизмом" нужно было заниматься и другими выдуманными проблемами 
02.02.2024
О, зараз пачнуць вішчаць. Знайшлі чарговую нагоду.
0
Янка/адказаць/
02.02.2024
Не забараніць уезд, а прэвентыўна адказаць пасадкай у турму з такімі ж умовамі як у РБ ( да высновы акалічнасці да 5 год)
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930