Знайсці
29.01.2024 / 18:497РусŁacБел

Гомельскія ідэолагі выпадкова апублікавалі службовую інструкцыю і прачынілі фортку ў мясцовую прапагандысцкую кухню

Ідэолагі адміністрацыі Савецкага раёна Гомеля выпадкова апублікавалі службовую інструкцыю, якую ім даслалі з аддзела інфармацыйна-аналітычнай работы і маніторынгу Камітэта ідэалагічнай работы і па справах моладзі Гомельскага аблвыканкама. Паведамленне на канале «СОВЕТский Live» заўважыў «Флагшток» і даведаўся, што можа азначаць інструкцыя.

Публікацыя з рэпостам інструкцыі праіснавала некалькі секунд і была выдалена

У паведамленні гаворыцца пра тое, што ідэолагам даслалі ліст пад грыфам «для службовага карыстання» з заданнем пазначыць IP-адрасы, з якіх падключаюцца да інтэрнэту спецыялісты аддзелаў па інфармацыйна-аналітычнай рабоце.

Існаванне такіх аддзелаў і сектараў не афішуецца — інфармацыі пра іх няма на сайтах раённых адміністрацый, як і пра існаванне такога накірунку работы ў абласным камітэце ідэалогіі. Пра дзейнасць такіх аддзелаў вядома толькі праз ускосныя ўзгадкі ў публікацыях дзяржаўнай прэсы.

Раней «Флагшток» высветліў, што начальнікам аддзела інфармацыйна-аналітычнай работы і маніторынгу камітэта ідэалагічнай работы і па справах моладзі Гомельскага аблвыканкама з'яўляецца Дзмітрый Ісачанка, які кантралюе трэш-канал «Говорит Гомель» і хаваецца пад нікам Hejter. 

Цяпер стала вядома, што ён не выдаляў свой службовы акаўнт, а толькі памяняў нік на «Тутэйшы». Менавіта пад ім Ісачанка перапісваецца з іншымі ідэолагамі. Пра гэта гаворыць інфармацыя з тэлеграм-бота, які фіксуе старыя даныя тэлеграм-акаўнтаў.

Дзмітрый Ісачанка

У дасланай Ісачанкам інструкцыі, меркавана, вядзецца гаворка пра стварэнне лакальнай сеткі — гэта можа быць сэрвіс перасылкі дакументаў ці камунікацыі чыноўнікаў.

З ліста таксама вынікае, што падначаленым Ісачанкі ў ягоным сакрэтным аддзеле з'яўляецца Яўген Усцюшкоў. Гэта былы бээрсээмавец, які, паводле ранейшых узгадак пра яго, дагэтуль працаваў галоўным спецыялістам аддзела інфармацыйна-аналітычнай і арганізацыйна-кадравай работы Гомельскага абкама БРСМ як мінімум з 2019 года па 2021.

Яўген Усцюшкоў

Таксама дзякуючы інфармацыі пра акаўнт Ісачанкі можна меркаваць, чым займаюцца такога кшталту спецыялісты. «Тутэйшы» з'яўляецца ўдзельнікам многіх чатаў, дзе абмяркоўваюць грамадскія праблемы, пратэсных чатаў, у тым ліку супольнасцяў беларусаў за мяжой. Акрамя таго, ідэолаг падпісаны на суполку дапамогі тым, хто шукае ўкраінцаў, вывезеных у Беларусь.

Інфармацыя пра акаўнт «Тутэйшы»

Цікава, што яшчэ адзін былы бээрэсэмавец Аляксей Зайцаў, які працаваў першым сакратаром Цэнтральнага раённага камітэта БРСМ Гомеля, цяпер працуе загадчыкам сектара інфармацыйна-аналітычнай работы ўпраўлення ідэалагічнай работы, культуры і па справах моладзі Гомельскага гарвыканкама. Такім чынам, кадры «ідэолагаў-аналітыкаў» фармуюць, як правіла, з бээрсээмаўцаў.

Скрыншот сайта «Гомельскіх ведамасцяў»

Чытайце таксама:

«У нас не гнуткая, умоўна законная сістэма празаходніх талерастаў!» Гомельскі чыноўнік пракаментаваў марш расійскіх фанатаў

Гомельскі правакатар заявіў, што аштрафаваны за «экстрэмізм», цяпер у вышуку і хоча перайсці на беларускую мову

Гомельскіх школьнікаў прымусяць шукаць гераічнае мінулае ў Афганскай вайне. Цяпер ідэолагі назвалі яе «спецаперацыяй»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
5
Панылы сорам
30
Ха-ха
10
Ого
0
Сумна
1
Абуральна
49
0
Правдоруб /адказаць/
29.01.2024
Все фамилии на карандаш!.... Ребята, вам места даже в багажном отделении улетающего Боинга Туркменбаши не достанется!
0
понятно/адказаць/
29.01.2024
манкурты обслуживающие Россию и скотный двор лукашенко.
0
губазік, спіш?/адказаць/
29.01.2024
Час зачыняць Ісачанку як актыўнага ўдзельніка экстрэмісцкіх чатаў. Там матэрыялаў на 8 год.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031