Знайсці
29.01.2024 / 16:5812РусŁacБел

БТ строга адказала Бондаравай: Гледачы просяць паказваць Білана і Асці, а вам раім «Панараму»

Даносчыца Вольга Бондарава скіравала сваю крытыку на Белтэлерадыёкампанію. Ёй не спадабаліся Дзіма Білан, трансгендары і Зінаіда Фурор. Але кіраўніцтва БТ яе парыў абсекла.

Ліст Бондаравай старшыні Белтэлерадыёкамапаніі Івану Эйсманту. Фота: сацыяльныя сеткі Бондаравай

Нагодаю для звароту да старшыні Белтэлерадыёкампаніі Івана Эйсманта стала перадача «Навагодняя спёка», якая выйшла на канале «НТВ-Беларусь» адразу пасля выступлення Лукашэнкі.

У сваім лісце Бондарава абураецца, што ў ёй былі паказаны расійскія артысты, якія прымалі ўдзел у «голай вечарынцы». Сярод іх ANNA ASTI, Філіп Кіркораў, Лаліта Міляўская, Дзіма Білан, Глюк'OZA і іншыя. Бондарава заўважае, што ў той час, як у Расіі іх знялі з усіх каналаў, «кіраўніцтва канала НТБ-Беларусь палічыла дапушчальным ігнараваць негатыўны рэзананс ад гэтай правакацыі».

Даносчыца лічыць, што перадача, якая транслявалася ў запісе, мусіла быць адрэдагаваная.

Але «Навагодняя спёка»— гэта толькі нагода нагадаць кіраўніцтву Белтэлерадыёкамапаніі аб іншых «негатыўных момантах», якія зафіксавала Бондарава.

Яна звярнула ўвагу на перадачу «Фактар бай», дзе, па яе меркаванні, «неаднаразова праскоквалі сцэны распуснага і недапушчальнага зместу».

Кадры з перадачы «Фактар.BY», якія Бондарава прыклала да свайго ліста на імя старшыні Белтэлерадыёкампаніі Івана Эйсманта. Крыніца: сацыяльныя сеткі Бондаравай.

Акрамя гэтага, яна не можа зразумець, як на нашым тэлебачанні могуць дэманстраваць украінскае шоу «Багіня шопінгу. Бітва бландзінак», дзе вядучымі зʼяўляюцца трансгендар, небінарны чалавек і андрагінка, якія «дыскрэдытуюць базавыя асновы нашай дзяржавы».

Але і гэта не ўсё. Бондаравай не падабаецца, што ў перадачах на БТ прысутнічае «Зінаіда Фурор», якая на самой справе зʼяўляецца мужчынам Яўгенам Ермалковічам «у вобразе тоўстай жанчыны».

Кадры з перадачы «Бітва бландзінак» і Зінаіды Фурор, якія Бондарава прыклала да свайго ліста на імя старшыні Белтэлерадыёкампаніі Івана Эйсманта. Крыніца: сацыяльныя сеткі Бондаравай.

Прапаганду спажывання наркотыкаў, амаральных і асацыяльных паводзін, ЛГБТ а таксама негатыўных адносін да прадстаўнікоў сілавых структур Бондарава ўбачыла ў кліпе «Космарэйв» гурта «Біг бойз».

Тэкст песні «Космарэйв» гурта «Біг бойз». Крыніца: сацыяльныя сеткі Бондаравай.

У адказе за подпісам намесніка старшыні Белтэлерадыёкампаніі Андрэя Іванца адзначана, што парушэнняў заканадаўства няма. Больш за тое, многія гледачы просяць паказваць у эфіры тэлеперадач артыстаў з Расіі, якіх Бондарава згадвае ў сваім лісце.

У лісце адзначаецца, што меркаванне прадстаўнікоў глядацкай аўдыторыі аб змесце тых ці іншых тэлеперадач могуць не супадаць, таму Бондаравай рэкамендуецца звярнуць увагу на такія перадачы, як «Панарама», «Галоўны эфір», «Размова ў Прэзідэнта», «Зразумелая палітыка», «Клуб рэдактараў».

Адказ Белтэлерадыёкампаніі на ліст Бондаравай. Фота: сацыяльныя сеткі Бондаравай.

У канцы ліста Бондаравай выказалі дзяжурную падзяку за праяўленую цікавасць да відэасюжэтаў і перадач Белтэлерадыёкампаніі.

Зразумела, што такі адказ даносчыцы не спадабаўся. «Не, усё-такі нельга з нашымі тэбэшнікамі працаваць ціха, не звяртаючы грамадскай увагі: яны жэсты добрай волі прымаюць за слабасць і плююць на працягнутую да ўзаемадзеяння руку», — напісала Бондарава на сваёй старонцы, дзе і выклала перапіску.

Чытайце яшчэ:

Хто можа перамагчы Бондараву і на каго ўплывае Азаронак 

Даносчыца Бондарава ідзе ў дэпутаты Мінгарсавета

«У нас Эйсманту можна ўсё?» Бондарава атакавала кіраўніка БТ за навагодні канцэрт 

Антось Жупран

Хочаш падзяліцца важнай інфармацыяй
ананімна і канфідэнцыйна?

Клас
5
Панылы сорам
21
Ха-ха
94
Ого
7
Сумна
2
Абуральна
12
1
Смоўж/адказаць/
29.01.2024
А мне падабаецца такі жабагадзюкінг!
10
жабагадзюкінг?/адказаць/
29.01.2024
Смоўж, гэта ви пра сябе і мужыкоў сваіх?
бо мужыкі куды большыя жабы і ўсё таке
2
даведка/адказаць/
29.01.2024
БТ уже вовсю рекламирует появление в детском шоу "сто вопросов взрослому" российского стилиста Владислава Лисовца в модном леопардовом прикиде с роскошными локанами волос длиннее, чем у Ольги Бондаревой.)
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера