У пасёлку пад Варонежам у выніку расійскага бамбардавання пацярпелі 100 дамоў
У пасёлку Петрапаўлаўка Варонежскай вобласці пасля яго выпадковага бамбардавання расійскай арміяй пацярпелі больш за 100 дамоў, паведамляецца на сайце абласнога ўрада.
Фота: govvrn.ru
Раней у тэлеграм-канале варонежскага губернатара гаварылася пра тое, што наноў давядзецца ўзводзіць 9 дамоў, без канкрэтыкі пра маштаб разбурэнняў.
Па словах кіраўніка адміністрацыі Астрагожскага раёна, дзе размешчаная Петрапаўлаўка, усяго ў пасёлку жывуць 579 чалавек у 303 дамах:
«Здарэнне закранула больш за 100 дамоў. Восем дамоў цалкам разбураныя, дзясяткі — пашкоджаныя. У разбураных будынках жылі 15 чалавек».
Пра тое, што расійскі самалёт выпадкова разбамбіў сяло пад Варонежам, стала вядома 2 студзеня.
Чытайце таксама:
Жыхарам Варонежа адключылі ацяпленне. А там маразы пад мінус 20°С
Ад расійскага боепрыпасу ў Варонежскай вобласці пацярпелі чатыры чалавекі
