Знайсці
02.01.2024 / 23:0310РусŁacБел

Сям’я тыдзень праходзіла святочны квэст ад Мінгарвыканкама. Падарунак вас здзівіць

Сталічныя чыноўнікі вырашылі пакрэатывіць ды зрабілі святочны квэст «Разам з Мінскам у 2024 год». Удзельнікам прапаноўвалася наведаць 21 лакацыю ў Мінску — гэта былі і гандлёвыя аб'екты, і прадпрыемствы, і забаўляльныя пляцоўкі. 

Для таго, каб атрымаць прыз каля Палаца спорту (там быў фініш), трэба было адзначыцца хаця б на дзесяці пунктах. Блогерка пад нікам polinka.drozd разам з сям’ёй тыдзень праходзіла гэты квэст і дзялілася ўражаннямі ў тыктоку. А потым пахвалілася падарункамі, якія атрымала.

Сюрпрыз чакаў дзяўчыну ўжо на першай лакацыі — сям’я паехала ў домік Дзеда Мароза ў парк Горкага. Высветлілася, што проста так зайсці да казачных персанажаў немагчыма — патрэбна атрымаць дазвол у адміністрацыі парку. Там жа ставілі штамп у флаер (пацвярджэнне, што людзі былі на лакацыі). Беларускія чыноўнікі ўмеюць зрабіць квэст у квэсце!

@polinka.drozd#минск#обзор#квест#реки♬ оригинальный звук - Drozd Polina

У адміністрацыі дзяўчыне стварылі «святочны настрой» па-беларуску: там ёй прачыталі лекцыю, што трэба было запісацца да Дзеда Мароза (а гэта платная паслуга).

У выніку сям'і ўсё ж дазволілі зрабіць адзін фотаздымак з Дзедам Марозам і Снягуркай.

Другой лакацыяй стаў гандлёвы цэнтр «Сталіца». Таксама сям'я наведала Lidbeer Dvor, Музей гарадскога пасажырскага транспарту, кавярню «Камунаркі», Музей гадзіннікавай справы Беларусі, назіральную пляцоўку Нацыянальнай бібліятэкі, фудмол «Канкорс», гандлёвы цэнтр «Галерэя».

@polinka.drozd#минск#квест#обзор#мойминск#вместесминском2024♬ оригинальный звук - Drozd Polina

Апошняй, дзясятай лакацыяй стаў святочны кірмаш каля Палаца спорту. Там блогерка атрымала падарункі для ўсіх — ім уручылі падушкі з фразамі Лукашэнкі «Любімую не аддаюць», «Распранайся і працуй». 

— Галоўны прыз мы атрымалі — гэта тыдзень яркіх эмоцый усёй сям’ёй, — адзначыла блогерка. — Дзве падушкі паселяцца на канапе, я ўжо замовіла навалочкі для іх. А яшчэ дзве з правакацыйнымі надпісамі «Распранайся і працуй» паселяцца ў нас у спальні.

Чытайце таксама:

Два гіганцкія выходныя і ажно чатыры пасярод тыдня. Як будуць адпачываць беларусы ў 2024 годзе

У Гомелі шматдзетная мама стала нараджаць проста падчас навагодняга ранішніка ў школе

«Разбестились до крайности». Стваральнікі мерча Лукашэнкі русіфікавалі ягоную трасянку

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
4
Панылы сорам
67
Ха-ха
10
Ого
1
Сумна
5
Абуральна
5
03.01.2024
Ужо не ведаюць куды збыць неліквід
0
Абармот/адказаць/
03.01.2024
[Рэд. выдалена]
0
даведка /адказаць/
03.01.2024
На новогодней ёлке во дворце республики, которую транслировало БТ, дед мороз заставил детей трижды прокричать «спасибо» Лукашенко в благодарность за торжество и отдельно ещё от себя лично благодарил его за это. 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера