Венесуэльскія ўлады дамовіліся з ЗША і выпусцілі палітзняволеных
Венесуэла і ЗША дамовіліся паміж сабой і вызвалілі са сваіх турмаў раней зняволеных асоб.
Прэзідэнт Венесуэлы Нікалас Мадура. Фота: Carlos Becerra/Getty Images
Як паведамілі ў Белым доме, венесуэльскія ўлады адпусцілі дзесяць грамадзян ЗША, якія вернуцца дадому. Таксама амерыканскаму боку выдадзены амерыканец, які ўцёк ад правасуддзя на радзіме — Леанард Фрэнсіс. Акрамя таго, вызваленыя 20 венесуэльскіх палітвязняў.
«Мы забяспечваем выкананне венесуэльскім рэжымам сваіх абавязацельстваў. Яны абвясцілі аб дарожнай карце выбараў, узгодненай апазіцыйнымі партыямі, для канкурэнтных прэзідэнцкіх выбараў у 2024 годзе. Гэта пазітыўны і важны крок наперад. А сёння вызваляюць дваццаць палітвязняў, акрамя пяцярых, вызваленых раней. Мы працягнем уважліва сачыць за гэтым і пры неабходнасці прымем адпаведныя меры. Мы падтрымліваем дэмакратыю ў Венесуэле і спадзяванні венесуэльскага народа», — заявіў прэзідэнт ЗША Джо Байдэн.
У адказ ЗША вызвалілі бізнэсоўца Алекса Сааба, які вёў бізнэс з урадам Венесуэлы. Ён абвінавачваўся ў адмыванні грошай. У 2020 годзе яго затрымалі ў Каба-Вэрдэ і экстрадавалі ў ЗША. Урад Вэнэсуэлы сцвярджаў, што ў гэтага чалавека ёсць дыпламатычны статус, і выступаў за яго вызваленне.
Раней ЗША часткова аслабілі накладзеныя на Венесуэлу санкцыі пасля таго, як Нікалас Мадура і апазіцыя дамовіліся аб правядзенні канкурэнтных выбараў.
Чытайце таксама:
Вайны не будзе. Венесуэла і Гаяна дамовіліся не звяртацца да сілавога вырашэння канфлікту
«Лукашэнка можа пачаць расстрэльваць». Аналітык ацаніў, што будзе, калі зняць санкцыі
Каб ізаляваць Пуціна на сусветнай арэне, ЗША пайшлі на перамовы нават з Венесуэлай
