Знайсці
07.12.2023 / 23:193РусŁacБел

«Паглядзеў карту пад сваёй лямпай магічнай і пажадаў шчаслівай дарогі». Ці сапраўды памежнікі не выпускаюць з Беларусі, калі чалавек не паведаміў пра замежны ДНЖ?

У канцы лістапада пачалі распаўсюджвацца чуткі пра тое, як грамадзяніна Беларусі не выпусцілі з краіны, бо ён не меў ні візы, ні паведамлення з беларускага аддзела па грамадзянстве і міграцыі аб тым, што апавясціў улады аб замежным ДНЖ. Каб пацвердзіць ці абвергнуць гэтую інфармацыю, тэлеграм-канал беларускіх айцішнікаў за мяжой DzikPic распытаў сваіх чытачоў, як яны праходзілі мяжу з «утоенымі» ад дзяржавы ДНЖ апошнім часам, піша Devby.io.

Пра саму сітуацыю з нібыта забаронай на выезд расказаў у тыктоку візавы пасярэднік, агенцтва Tutvisa, а тычылася яна нібыта іхняга кліента. Аднак апытанне канала DzikPic, на якое адгукнулася з дзясятак чалавек, інфармацыю не пацвердзіла, бо ў аніводным выпадку адсутнасць візы ды наяўнасць ДНЖ без апавяшчэння не стала прычынай адмовы ў выездзе з Беларусі.

  1. «Муж ехаў на мінулым тыдні з Беларусі праз літоўскую мяжу, ніякіх пытанняў не было. У яго візы даўно няма, але ёсць ДНЖ, пра які ён нікога не апавяшчаў».

  2. «З 2 на 3 снежня праходзілі польскую мяжу. У аўтобусе было шмат людзей з ДНЖ, больш за дзесяць дакладна. Але ні ў каго нічога не спыталі, хоць хваляванні былі пасля навіны ў тыктоку. У нас з мужам не было віз, у мяне наогул пашпарт без віз, толькі з адзнакамі ад мінулых перасячэнняў — ніхто нічога не сказаў».

  3. «Я выязджаў у Польшчу з Беларусі ў суботу, ані пра які ДНЖ нікога не апавяшчаў. Памежнік толькі папрасіў карту побыту (віза пратэрмінаваная), даведак ніякіх не прасіў. Паглядзеў карту пад сваёй лямпай магічнай, нешта хутка націснуў у камп’ютары (можа, чэкбокс які клацнуў), пажадаў шчаслівай дарогі. Вось і ўсё».

  4. «Выязджала тыдзень таму, ніякіх пытанняў не ўзнікала, карту побыту ў мінулым месяцы атрымала».

  5. «Ездзіла на тыдзень у Беларусь з Польшчы, не выязджаючы датуль больш за год. Выязджала з ДНЖ, які атрымала за два тыдні да паездкі. Пытанняў на мяжы ні ў адзін, ні ў другі бок не задавалі».

  6. «Я ездзіла 20 лістапада ў Беларусь з Польшчы і 1 снежня назад, з польскім ДНЖ без візы. МУС пра наяўнасць ДНЖ я не апавяшчала. Усё было спакойна: ні ў каго не правяралі прычыны паездкі, хоць у аўтобусе было яшчэ некалькі чалавек, якія ездзілі з ДНЖ, і яны таксама паспяхова прайшлі мяжу».

  7. «У Польшчы мы ад вясны 2022 года, у абаіх ДНЖ. 19 лістапада выязджалі з жонкай з Беларусі ў Польшчу аўтобусам. У жонкі быў абсалютна чысты пашпарт (ездзілі мяняць) — у выніку выехалі без пытанняў, у мяне таксама не пыталіся пра візу».

  8. «Жонка нядаўна прыехала з Беларусі ў Польшчу. Усё ціха, беларусы не пыталіся нават пра карту побыту. Гэта ўжо палякі глядзяць падставы для ўезду».

Паводле патрабаванняў змененага закона аб грамадзянстве, які набыў моц 11 ліпеня 2023 года, чалавек мусіць паведаміць пра наяўнасць у сябе замежнага ДНЖ, грамадзянства ці карты паляка цягам трох месяцаў з часу іх атрымання, а тыя, якія атрымалі раней — цягам трох месяцаў ад уступлення змененых нормаў у сілу. 

Пакуль што ніякай адказнасці за непаведамленне аб наяўнасці дакументаў, як запэўніў днямі начальнік Дэпартамента па грамадзянстве і міграцыі МУС Аляксей Бягун, не прадугледжана, але «гэта пытанне прапрацоўваецца адпаведнымі органамі».

Паводле слоў гэтага чыноўніка, на гэты момант улады нібыта атрымалі ўжо 58 тысяч такіх паведамленняў: 36,5 тысяч даслалі ў органы ўнутраных спраў і 22 тысячы — у дыппрадстаўніцтвы і консульскія ўстановы. 

Чытайце таксама:

Дазвол на пастаяннае пражыванне за мяжой не абавязковы, але для чаго ён? І што, калі не афармляць яго? Тлумачыць аддзел міграцыі

Наяўнасць у беларусаў «карты паляка» цяпер не будуць пазначаць на візе

Ніякіх ДНЖ у блізкіх сваякоў і паліграф. Для дыпламатаў увялі новыя правілы прыёму на службу

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
07.12.2023
Когда никуда ничего не отправлял, а просто не ездишь в РБ. А зачем мне туда? Меня и здесь неплохо кормят.
1
Вася/адказаць/
07.12.2023
Трэба разумець, што у агенцтве "Тутвіза" засеу́ правакатар? Можа, лепей гэта агенцтва абыходзіць бокам?
0
збег/адказаць/
08.12.2023
Штосьці ўсё гладка пішуць. Мо дурні павядуцца.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031